AYUBU 4
4
Chinkwana chie ritang’ani ase egati y’Ayubu na abasani baye
(4:1—14:22)
Ogokwana kw’Elifasi
1Bono Elifasi Omotemani akairaneria, akabora:
2“Inee! Omonto arateema gokwana naye, nogechigwe nere?
Nonya naboigo, monto ki oranyare gokira‐kiri takwana?
3Rora, aye kworokereirie abanto abange,
na amaboko atabwate chinguru kwayakong’irie.
4Amang’ana ao abeire akoremia oyo konya osinyirwe kogenderera,
na aye gwakong’irie amaru aye arenge koiguswa.
5Bono naye emechando yacheire, na tori noboremu bonde bwonsi,
yagokunire na aye kwegosire.
6Aye buna omoirogete Nyasae, tori noboremu?
Naende buna chinchera chiao chire chindonge, tori nogosemeria?
7Bono rengereria, indi yabete ng’a omonto omoikeranu nasiretigwe?
Naende indi yabete ng’a abanto abaronge mbatugutetwe?
8Aya naroche naya: Baria bakorema obosareku,
na baria bagosimeka emechando, nabagese ayio ayio.
9Nyasae nigo akobaeyanera basira,
na ase okogusa kw’endamwamu yaye baerigwa.
10Nonya bakoruma buna endo ere entindi, bakirigwe,
na amaino e chindo chinsae nigo akobunwa.
11Endo engotu nekwe ase okoborwa chinyama ekoria.
Ne chimanwa chi’endo eaberi nigo chigoserebekana.”
12“Ring’ana ndire rianchicherete bobisi,
nigo nariigwete rikomonyerera.
13Ekero abanto bararire chitoro chindito
na inche narenge nebirengererio na korora amaroro,
14obwoba bokambwata amo nokoiguswa,
na amauga onsi ay’omobere one agachaka gotengechigwa.
15Embeo egaeta ase obosio bwane,
na amarionya ’omobere one agatenena.
16Omogwekano bw’egento gete ogatenena ase obosio bwane,
korende tinanyarete komanya ng’a ngento ki gose nkieni ki;
erio nkaigwa eriogi eriororo rigoteba:
17Inee! Mwanyabanto nanyare koba omoronge kobua Nyasae?
Nanyare koba oyochenegete kobua Omotongi oye?
18Rora, Nyasae tari gosemeria nonya nabasomba baye;
ere nigo akobabekera abamalaika baye obobe.
19Onye naboigo, naki rende arasemerie abwo bamenyete ase chinyomba chi’amaroba,
abwo amaroso abo abekire ase riroba?
Barabwo nigo bagoakwa na komionogorwa buna ebigwankwa.
20Abanto nabo baranyare koba moyo ase engaki ya mambia,
korende omogoroba otaraika, kwanyora baitirwe,
basirire goika kare na kare,
na onde tari okobechandera.
21Bionsi ebi abanto abwo basemeretie nigo bigosira kegima.
Nigo bagokwa bataraikera komanya obong’aini bonde bwonsi.”
Currently Selected:
AYUBU 4: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
