AYUBU 3
3
Ayubu okwemurunganeria Nyasae
1Nyuma y’amang’ana ayio onsi Ayubu agachaka gokwana, akaragereria rituko riria aiboretwe.
2Ayubu agateba,
3“Rituko riria naiboretwe, tiga risire riebwe kegima,
boigo obotuko boria amang’ana aya akwanetwe:
Omwana omoisia otongirwe enda ime.
4Tiga rituko riria ribe omosunte;
Nyasae ore igoro tabaisa koriechandera,
gose omobaso tobaisa koribarera.
5Tiga omosunte na ekiriri ekemwamu biritube.
Tiga amare aritube,
na kende gionsi egekorenta obomwamu ase rituko kerioboyie.
6Omosunte ekerima otube obotuko boria,
tibobaisa kobarwa amo namatuko ande ay’omwaka,
gose kobarwa amo namatuko ande ay’emetienyi.
7Ee, obotuko boria tiga bogombae;
eriogi ri’omogoko tiribaisa koigugwa ase borobwo.
8Boragererigwe nabwo bamanyete koragereria amatuko,
abwo baganyete korenta Leviatani eng’iti enene y’okwoboyia.
9Ching’enang’eni chiaye chia ituko ria mambia chibe omosunte;
obotuko tiga bochie koganya ng’a bokie, korende tibokia rinde,
gose tibobaisa korora ogokiamoka kwa mambia,
10ekiagera borobwo tibwatangete baba tanyibora,
gose tibwatangete emechando korwa ase amaiso aane.”
11“Ninki kiagerete tinakwera inda ya baba?
Ninki kiagerete tinakwa ekero keria nasogete korwao?
12Ninki kiagerete baba akaang’agata?
Ninki kiagerete akangonkia amabeere aye?
13Onye nakwete, anga nindaire ntoererete,
anga nindaire chitoro ntimogete,
14buna abaruoti b’ense amo nabasemia babo bakaraire,
abwo beagacherete amaagacho ’obosareku.
15Inche anga nigo inde buna abanene batenengete ne chitahabu,
baichoretie chinyomba chiabo ne chifeta.
16Nigo nanga nabete buna enda erekeire egatindekwa,
na buna abana bataroche omobaso.
17Aroro agwo abakori amabe tibari gochanda abande,
boigo abarosire kobaikire aroro, nigo bagotimoka.
18Ekero abasibwa baikire aroro, nigo bakoba bagotimoka amo,
tibari koigwa amariogi ’abarendi babo bakobabetereria nobotindi.
19Abanto batasikiri na abasikire nigo bareng’anetie aroro;
omosomba nigo are omosibore korwa ase oyorenge omonene oye.”
20“Nase ki oyochandegete akoegwa korora omobaso?
Nase ki oria obwate obororo ase enkoro akoegwa obogima?
21Abwo baganyete amakweri, korende tibari koyanyora;
nigo bakoyarigia kobua korigia chinibo chibisire.
22Abanto abwo bakogoka mono na gochenga,
ee, nabo bakogoka kobabeire ang’e kogenda ase chimbeera.
23Nase ki omobaso oorokire ase omonto chinchera chiaye chibisire,
oyio Nyasae agiteire chinsemo chionsi?
24Obororo bw’emechando yane bwabeire buna endagera nkoria,
na ebirero biane nigo bigoiteka buna amache.
25Naki ring’ana riria inyoboete rianchicheire,
na riria rikoondokia rianyorire.
26Inche timbwati omorembe gose botoereru bonde;
timbwati ogotimoka, korende emechando nigo egendererete konagocha.”
Currently Selected:
AYUBU 3: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
