AYUBU 35
35
Elihu ogendererete gokwana
1Elihu akagenderera gokwana, akabora:
2“Aye Ayubu, nigo okorengereria ng’a ayio nekeene?
Gose nigo ogoteba ng’a nomonyaboronge ore ase obosio bwa Nyasae?
3Naende gokoboria ng’a mbuya ki oboronge bokogokorera
kobua ogokora ebibe?
4Bono ngokoiraneria nde aye amo nabasani bao abamore komo.”
5“Rigereria gochia igoro, orore;
rora amare buna are igoro mono kogoetania.
6Aye noisa gokora ebibe, ninki ayio arakore ase Nyasae?
Na ogosaria nagoisa komentekana mono, ninki okwo koramokorere?
7Onye kore omonyene oboronge, ngento ki okoa Nyasae,
gose ninki akonyora korwa ase okoboko kwao?
8Amabe ao ogokora nigo akorenta emechando ase omonto onde onga buna aye,
na oboronge bwao nabo boragere omonto onde anyore ayare amaya.”
9“Ekiagera ogokorerwa bobe kwabuchire,
abanto nigo bakorera mono ng’a bakonywe;
nigo bakorangeria bakonywe korwa ase amaboko ay’abare nokobua.
10Korende monto onde tari okoboria:
Ng’ai Nyasae, oria ontongete, are,
oyio okogera amatera ay’ogotogia aterwa botuko?
11Ere nigo agotworokereria kobua ching’iti chi’ense,
na otokora twaba nobong’aini kobua chinyoni.
12Abanto nigo bakorera, korende Nyasae tari koiraneria,
ase engencho y’ogokora kwabo okobe kw’oboenenu.
13Ekeene, Nyasae tari koigwa okorera gotari ogw’ekeene,
gose ere Omonguru takogwechandera.”
14“Nonya kogoteba ng’a tori komorora,
ere tagokoigwa;
ekina kiao nigo kere ase obosio bwaye,
bono nigo omoganyete nogosemeria.
15Korende bono nigo okorengereria ng’a Nyasae tari korua egesusuro
ase engencho y’endamwamu yaye,
naende ng’a ere tari gwechandera ogosaria.
16Ayio naro akogera aye Ayubu ogokwana amang’ana atari nengencho,
nigo okomenta gokwana amang’ana atari ay’obong’aini.”
Currently Selected:
AYUBU 35: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
