AYUBU 34
34
Elihu ogendererete gokwana
1Erio Elihu akagenderera gokwana, akabora:
2“Inwe abanto abang’aini, igwa amang’ana aane!
Inwe abamanyi chisemi, ntegerera!
3Amang’ana amato akoigwa, nigo akoyateema,
buna oromeme rokomena endagera.
4Tochore ayare amaronge;
intwe amo toteeme komanya ayare amaronge.
5Ayubu nigo agoteba: Inche nomonyene oboronge,
korende Nyasae ong’urire oboronge bwane.
6Nonya inde omonyene oboronge, nabarirwe ng’a nomonyaborimo inde;
amaote aane takonyara kogwena,
nonya gosaria konde tikori ime asende.
7“Inee! Monto ki onga buna Ayubu,
oyio okonywa ogochaywa, ogokomera buna amache?
8Ere oyio ogosanga nabanyabibe
na gotaara nabakori amabe.
9Naende ere otebire ng’a
kobwatana na Nyasae, ayio tari komokonya gento kende.
10“Ase ayio, inwe abanto abamore nokomanya, inyigwa!
Nyasae tabaisa gokagerwa ng’a nakore amabe.
Inee! Ere Omonguru nakore ebibe?
11Ere nigo agoakana omonto koreng’ana buna emeremo yaye ere;
nabo akoa omonto eng’eria buna orogendo rwaye rore.
12Ekeene, Nyasae tagokora ayare amabe;
ee, ere Omonguru tari gosaria ayare ay’ekeene.
13Ning’o oete Nyasae okobua gw’okogambera ense?
Ning’o obegete ense yonsi koba eyaye?
14Ere aise koirania omoika oye,
ee, airanie gochia asare omoika bw’obogima,
15mwanyabanto bonsi pi goika bakwe,
bairane ase amaroba.
16“Onye more nokomanya, igwa aya;
tegerera moigwe aya ngoteba:
17Inee! Omonto ogechete ekeene nanyare kogamba?
Nonachere ekina omonyene oboronge oyore nokobua?
18Nonyare gotebia omoruoti: Aye nigo ore omonto bosa,
gose notebie abanene basikire: Inwe nabakori amabe?
19Nyasae tari gwanchereria abagambi,
gose tari kobara abanda ng’a mbare nengencho enene kobua abataka,
ekiagera abwo bonsi nigo bare emeremo y’amaboko aye.
20Abanto nigo bagokwa ara rimo;
nigo bakonyegerigwa botuko gati, basira kegima,
baria bare nokobua nigo bagosirigwa ko tari namaboko a mwanyabanto.
21Nyasae nigo arigereretie chinchera chi’omonto;
ere nigo aroche amatambokero aye onsi.
22Aase aamwamu tari, gose omosunte ekerima,
ase omokori amabe aranyare kwebisa.
23Nyasae taganeti engaki entambe korigereria,
goika abeke omonto ase ekina.
24Ere nigo agosenyenta abare nokobua atari kona‐kouna‐unia,
erio abeke abande aase abo.
25Ekiagera ere namanyete emeremo yabo,
nigo akobaonchorana botuko baitwa kegima.
26Nyasae nigo akobaita maiso marore,
ase engencho y’ebibe biabo,
27na ekiagera baonchokire na gotiga komobwatia,
gose tibari korengereria igoro ye chinchera chiaye nonya ng’ake.
28Abwo bagerire ekerero ki’abataka giaikire asare,
nere oigure ekerero ki’abagokorerwa bobe.
29“Inee! Nyasae karakire‐kiri ning’o oramonachere ekina?
Karabise obosio bwaye, ning’o oranyare komorigereria,
gokerabe egesaku gete gose omonto gete,
30ekero ararusie okogamba korwa ase abatamoirogeti
na abatange tibaba amareba ase abanto?
31“Inee! Monto onde nare otebirie Nyasae:
Inche naremereirie egesusuro gi’okondongeyia,
nonya tinkorereti monto onde bobe.
32Bono inyorokererie aya ntamanyeti,
na onye nakorire ebibe, tingwancha kobikora naende.
33Nigo okagete ng’a Nyasae nigo aragoakane buna oranche,
ekiagera gwakanire ande onsi?
Aye goika ochore, gose tari inche;
ase ayio, kwana aya omanyete.
34“Abanto abare nokomanya,
na kera omonto omong’aini orabe okonyigwa, nigo barantebie:
35Ayubu nigo agokwana atari na semi;
na amang’ana aye tari ay’obong’aini.
36Nigo yagwenerete Ayubu ateemwe goika omoerio,
ekiagera nigo akoiraneria buna abakori amabe bakoiraneria.
37Ere nigo akomenta ogosaria ase ebibe biaye,
naende nigo agotoakera chinkobi ase ogotochaya
na gokwana amang’ana amange are mamincha ya Nyasae.”
Currently Selected:
AYUBU 34: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
