AYUBU 27
27
Ayubu ogendererete gokwana
1Ayubu akagenderera gokwana emerabaaro yaye akabora:
2“Ekeene, buna Nyasae are moyo, oyo ong’urire ebiantungetie,
na buna Omonguru aeire omoyo one obororo,
3naende omoika bw’obomoyo ogendererete koba ime yane,
na omoika o Nyasae ore ase chimioro chiane,
4omonwa one togokwana aya atari a boronge,
gose oromeme rwane ay’obong’ainereria.
5Abe aare korwa asende kobabara ng’a nabanyaboronge more;
goika ogokwa kwane ningenderere goteba ng’a tindi nokomocha.
6Nimbwaterere bokong’u oboronge bwane, tinkobotiga,
enkoro yane tekongambia ase amatuko ande inde moyo.”
7“Tiga omobisa one abarwe buna omokori amabe,
na oyore mamincha yane buna oyotari omonyaboronge.
8Ngosemeria ki omonto otamoirogete Nyasae abwate, ekero arakwe,
ekero Nyasae aramoure obogima.
9Ekero emechando eramochere na ere arere ase Nyasae,
Inee, namoigwe gose?
10Omonto oyio nagokigwe ase Omonguru?
Nabe okorangeria Nyasae ase chingaki chionsi?”
11“Nimborokererie igoro y’okobua kwa Nyasae;
amang’ana onsi igoro y’Omonguru tinkoyabisa.
12Rora, inwe mwensi mweroreire ayio;
bono, nase ki rende mogokwana amang’ana a bosa?”
13“Ekio nakio egetari Nyasae akoa omokori amabe,
na omwando Omonguru akoa abwo bagochanda abanto.
14Abana b’omokori amabe nabaisa komentekana,
nigo bareo ase ogocha goitwa nomoro,
abanto b’ororeria rwaye tibakonyora endagera eisaine.
15Abatigari baye nigo oborwaire borabaite,
na abakungu baratigwe bare ababoraka, tibakonyara kobareera.
16Omonto oyio naisa gosangereria chifeta chinyinge,
naende atumbe chianga chibe chindwenyi buna esike;
17nonya ochitumbire igo, nomonto omoronge orachibeke,
na abatari na komocha baatanane chifeta chiaye.
18Enyomba omonto oyio araagache nigo erabe buna ey’oronyambobe,
na buna ekegutu omorendi akoagacha.
19Omonto oyio nigo akogenda korara ore omonda,
korende takoba bo rende;
ekero akoramokia amaiso kabokire anyore obotenenku bwaye bwasirire.
20Obwoba obonene bonga buna eooro nigo bokomochera;
erio ekembugu‐mbugu kiamochera botuko kiamoira.
21Omwaga okorwa moocha nigo okomoirurukia;
omorusia aase aye, omosiria kegima.
22Nyasae nigo akomoruta emegwe atari namabera,
nere otama bokong’u korua ase okoboko kwaye.
23Abanto nigo bagoaka chinkobi igoro yaye,
bamoseria neriogi ri’okomwogerera, orua aase aye.”
Currently Selected:
AYUBU 27: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
