AYUBU 26
26
Ayubu okoiraneria ogokwana kwa Bilidadi
1Erio Ayubu akairaneria, akabora:
2“Naki ere buya aye gwakonyire omonto otari nokobua!
Ee, aye gwatooririe omonto omoreu otari ne chinguru.
3Naki ere buya gwasemirie omonto otari nobong’aini,
na gwakwanire amang’ana aichire ne chisemi chingiya!
4Nase chinguru chia ng’o gwakwanire amang’ana buna aya?
Na ngoetera ase omoika o ng’o kwayakwanire?
5“Emeika y’abanto bakwete nigo ekoiguswa;
boigo namache na ebimenyete imeo.
6Aase ’abakure nigo aasie ase obosio bwa Nyasae;
ee, aase agwo ogosiria tabwati kemumeko.
7Nyasae nigo aramborete ensemo ya sugusu aase arenge bosa,
nigo asungete ense aase bosa etabwateti aande.
8Ere nigo aochanetie amache amo, akayaboerania amare amanetu ime;
na amare ayio tari gotandoka.
9Nigo atubete ekerogo kiaye ki’obonene,
akagetuba namare aye.
10Ong’ororirie ekeringerera kere orobebe rw’amache
ase ogwatanana oborabu korwa ase omosunte.
11Chisiiro chia igoro nigo chigotengecha,
chiakumia ase ogotogonyera kwaye.
12Ere ase okobua kwaye nigo agoturubania enyancha,
na ase chisemi chiaye akanachana Rahabu,#26:12 Rahabu, rora 9:13 eng’iti enene y’enyancha.
13Nyasae nigo akoeyana, na omoika oye omecheeria igoro,
ere nigo aitete nokoboko kwaye engiti eria yare gotama.
14Naama! Echi nechinsinyo chie chinchera chiaye,
aya tokoiwga nokomonyerera ogosinini.
Korende ning’o oranyare komanya okobua kwaye konga buna enkoba egoaka?”
Currently Selected:
AYUBU 26: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
