AYUBU 23
23
Ayubu okoiraneria ogokwana kw’Elifasi
1Ayubu akairaneria, akabora,
2“Nonya ngoika rero okwemurungania kwane nigo kore okororo se;
ogoakwa kwane nigo kore okorito kobua okweng’ereria kwane.
3Onye ndiria nare komanya aase ndamonyore,
rirorio nigo nare kogenda goika ase obomenyo bwaye bore.
4Nigo narenge komotebia amang’ana aane,
ing’ichorie omonwa one namang’ana nkoamererania nere.
5Igo nigo nare komanya eki akong’iraneria,
na komanya ayarenge gontebia.
6Inee! Nyasae nkoamererania arenge nainche ase okobua kwaye kore okonene?
Yaya, nigo arenge gontegerera.
7Agwo omonto omonyaboronge nigo are konyara koamererania nere,
rirorio nigo nare gotigwa kegima noyokongambia.
8“Rora, nabeire nkogenda gochia bosio, korende ere taiyo;
naende nabeire nkoirana gochia nyuma, korende tindi komorora.
9Nigo nkomorigeria ensemo y’okobee, korende tindi komorora;
naonchoka gochia ase ensemo y’okorio, korende tindi komorora.
10Korende ere namanyete chinchera chiane ngoetera.
Ekero arakoore gonteema, nimbioke buna etahabu ekobioka korwa riko.
11Inche natachire bokong’u ase amabarato aye,
nabeire ndendete chinchera chiaye,
gose tindi koonchoka nchitige.
12Tinana gotiga kobwata amachiko akwanete;
nimbwatetie amang’ana ere akwanete,
gose tari aya naroberetie inche omonyene.
13“Korende ere tari koonchoka, ning’o oranyare komoonchorana?
Egento aganirie gokora, nigo akogekora.
14Aya achikire igoro yane, goika ayaikeranie,
na amange buna ayio nigo agachire ase ebirengererio biaye.
15Ase ayio nabeire nobwoba koba ase obosio bwaye,
na ekero nkoyarengereria nigo nkomwoboa.
16Nyasae ogoyirie omoyo one,
ee, Omonguru ongosire,
17ere tantigete ase omosunte nsire,
nonya noria ekerima otubete obosio bwane.”
Currently Selected:
AYUBU 23: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
