AYUBU 17
17
Ayubu okogenderera koiraneria Elifasi
1“Omoika ong’ereire, amatuko aane aikeire omoerio;
oboina mbonganyete.
2Ekeene, abachecheria bang’etananire, na amaiso aane nigo agendererete korora okogechia kwabo.
3Aye omonyene obe ntenenera asende, imbe asore.
Inee! Ning’o rende oranyare kwerua abe ntenenera asende?
4Aye gwasiekire ebirengererio biabo tibiba nokomanya,
ase ayio tokobaimokereria igoro na kobaa okobua.
5Omonto ogosigaana abasani ase okwenyorera chinibo chiabo,
abana baye amaiso abo nigo araukore.
6Omonene onkorire nabeire ring’ana abanto bakorabaara,
nabeire oyo abanto bagochaya ase ogotwa amate.
7Emechando yagerire amaiso aane abeire orotutu,
na ebiimo biane bionsi biabeire buna omorengari bosa.
8Abanto abaronge bakumirie amang’ana aya,
ee, omonto otari na komocha oimokire gokorera bobe oria otamoirogeti Nyasae.
9Korende omonyene oboronge nabwaterere enchera yaye,
na oyio obwate amaboko achenegete nagenderere koba ne chinguru.
10Korende inwe mwensi, moirane gocha;
tinkonyara konyora nonya nomonto oyomo ase egati yaino ore omong’aini.
11Amatuko aane aetire, emeroberio yane yasarekire,
nonya nokogania gw’enkoro yane.
12Abanto abwo baonchoire obotuko bwabeire omobaso;
nigo bagoteba ng’a omobaso nigo ore ang’e,
korende omosunte noreo.
13Nonya inde nogosemeria, aase abakure nao obomenyo bwane,
nindambore oborere bwane ase omosunte ime.
14Nintebie oboina: Naye tata.
Nintebie amakonde: Ninwe baba na abaiseke baminto.
15Inee! Ng’ai rende ogosemeria kwane kore?
Ning’o oranyare gokorora?
16Ogosemeria okwo nigo koragende gochia aase abakure.
Nintirimboke amo nakorokwo gochia gotimoka ase riroba ime.”
Currently Selected:
AYUBU 17: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
