AYUBU 16
16
Ayubu okoiraneria ogokwana kw’Elifasi
1Erio Ayubu akairaneria, akabora:
2“Inche naigure amang’ana amange buna ayio,
inwe mwensi nigo more abaremia mogonchanda.
3Inee! Amang’ana ayio anga buna omwaga okogusa aerire?
Gose nkere egekogoseegeta oiranerie ayande?
4Onye ndiria obogima bwaino bware koba ribaga ri’obwane,
nanga nigo nakwana buna inwe;
nigo nare gokwana amang’ana amange mamincha yaino
na gosingisia omotwe one ase okobachaya.
5Amang’ana nare ngokwana korwa ase omonwa one, nigo are kobabeka chinguru;
ee, amabeebe ay’ebikoba igoro nigo are kobaremia.
6Ninsa koba ngokwana, obororo bwane tibogokea;
na ninsa koremereria nkire,
emechando yane tegokea nonya ng’ake.
7Ekeene, Nyasae okoorire chinguru chiane,
na osiririe abanto bonsi b’enka yane.
8Ere okorire omobere one obeire nemenia,
na eyio yambereire kirori;
oboreu bwane bwaorokeire ase obosio bwane kombera kirori.
9“Omonene obeire nendamwamu asende,
ontandoranire, naende ongechire;
oromananirie amaino aye asende;
omochandi one omogoreirie inche amaiso bobe.
10Abanto nigo banyasameretie emenwa yabo,
bang’akire chindoe ase chinsea, bakondama;
nigo bagosangererekana amo ng’a bankore bobe.
11Nyasae ondure ase abanto batamoirogeti,
ombekire ase amaboko ’abakori amabe.
12Inche nigo narenge inde nobotoereru, korende ere agansenyenta,
ee, Nyasae akambwata ebigoti, akambutorana ebing’ese,
bono onkorire nabeire ekerenga kiaye gekoraswa.
13Abaruti emegwe baye bang’etananire aande onsi,
ombetire chinyigo chiane, tandorereti amabera;
oumoire amache ’endorwe yane igoro ase riroba.
14Ong’akire amaakwa igoro ase amaakwa ande;
nigo akondindokera buna omorwani esegi ore ne chinguru.
15“Bono natubire omobere one negunia,
ne chinguru chiane nachitugutire ime ase orotu.
16Amaiso aane abariirire ase obosio bwane,
na ekiriri kiarorekanire ase obosio bwane,
17nonya tindakora bobe bonde namaboko aane,
na ogosaba kwane kore ogoikeranu.
18“Aye riroba, tobaisa gotuba amanyinga aane,
na ekerero kiane tikenyora ase kegotimokera.
19Rora, Kirori one igoro are nonya mbono,
ee, Oyokondwanerera igoro are.
20Nonya nabasani baane nigo bagonsekerera,
inche nigo nkoiyeria amariga ndigererete Nyasae.
21Kirori one nansororere ase Nyasae,
buna omonto agosororera omonto onde.
22Emiaka emeke netigarete,
inche mbwatie enchera ekogenda aase ntanyare koirana korwao naende.”
Currently Selected:
AYUBU 16: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
