AYUBU 13
13
Ayubu ogendererete gokwana
1“Naama! Amang’ana aya onsi nayarorire neriso riane,
nayaigure nogoto kwane, nayamanyire.
2Aya momanyete, nainche ninyamanyete;
inwe timombueti kende.
3Korende nigo nganetie nkwane n’Omonguru;
mbeke amang’ana aane ase Nyasae,
erinde ng’amereranie nere,
4Korende inwe nabatongi oborimo,
inwe mwensi nabarwaria bare bosa, motari kogwenia.
5Onye ndiria mware gokira‐kiri!
Okwo nanga nigo kwaba obong’aini bwaino.
6“Bono tegerera moigwe amang’ana ngwekwanera,
naende tegerera moigwe ogosorora gokorwa ase omonwa one.
7Inee! Inwe nigo mokorwanerera Nyasae ase ogokwana aya atari a boronge?
Naende mokomorwanerera ase obong’ainereria?
8Inee! Inwe nigo more nogwanchereria asare?
Nigo moganetie korwanerera Nyasae?
9Inee! Amang’ana nabe amaya asemore Omonene karabarenge abamanye buna more?
Gose mokagete ng’a nigo moramong’aine buna abanto bakong’ainana?
10Onye mogokora ogwanchereria ekero more ase obobisi,
Omonene goika abatogonyere.
11Inee! Obonene bwaye tibokoboboyia,
na okogosa kwaye kobaondokie?
12Emereng’anio y’obong’aini bwaino nigo ere bosa buna ribu,
ne chiburi chiaino nigo chigiteire esike.
13Inwe kira‐kiri, montige nkwane,
na kende gionsi kegochia konyora, tiga kenyore.
14“Nase ki ndabeke enyama y’omobere one ase amaino aane?
Ting’egereti obogima bwane.
15Omonene naisa kong’ita, ningenderere komosemeria,
nonya nabo goika ndete amang’ana aane ase obosio bwaye.
16Ayio nabe ogotooreka kwane
ng’a omonto otamoirogeti Nyasae tagocha ase obosio bwaye.
17Tegerera onyigwe,
tiga ogotebereria kwane gosoe ase amato aino.
18Rora, naroisirie amang’ana aane,
namanyire ng’a nimbarerwe oboronge.
19“Nyasae, ning’o oreo ogochia koamererania nainche?
Onye oreo, rirorio inche nigo ndakire‐kiri inkwe.
20Bono nigo ngokoboria onkorere ebinto bibere,
nario ntebise korwa ase obosio bwao:
21Rusia okoboko kwao korwa asende,
na okogosa kwao tikogenderera konyoboyia.
22“Erio aye ondangerie, na inche ng’itabe, gose ing’a ribaga nkwane, naye ong’iranerie.
23Amamocho aane, na ebibe biane, mbirenga bire?
Imanyie ogosaria kwane, na ebibe biane.
24“Nase ki okobisa obosio bwao na
kombara ng’a nomobisa oo inde?
25Inee! Nigo orasegenyie rito eriomo rikona‐koirwa nembeo?
Gose aye nigo ogochia gotunya omoiriro korwa nyuma?
26“Ekiagera gwanchikeire amang’ana ’obororo,
naende kwang’akanire amabe ’obosae bwane.
27Aye gwasoirie amagoro aane ase rikorogoto,
nigo origereretie orogendo rwane rwonsi;
aye kwabekire orobebe ase chimbaratero chiane chigotacha.
28Omonto nigo agosira oruao buna egento ekegundo,
na buna eanga yarirwe nebigwankwa.”
Currently Selected:
AYUBU 13: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
