ABAGAMBI 2
2
Omomalaika bw’Omonene agwo Bokimu
1Omomalaika bw’Omonene agatiira korwa Giligali, agaika Bokimu, agatebia Abaisraeli, “Inche nigo nabang’anyetie korwa Misiri, nkabarenta ase ense eye nabarierete chisokoro chiaino eira ng’a nimbayee. Ngateba: Tingosaria okobwatana kw’ogotianania okwo nakorete nainwe, 2nainwe timokora okobwatana nababiare b’ense eye; goika motagore ebisasimero biabo, mobiiyerie inse. Korende timonyigwereti. Bono ninki eke mwakorire? 3Ase ayio, bono nkobatebia inde ng’a, tingoseria abanto aba korwa ase amasio aino. Barabwo mbabe bakobamiga korwa chinsemo chionsi, naende chinyasae chiabo nchibe chikobatega.” 4Ekero omomalaika bw’Omonene atebetie Abaisraeli bonsi amang’ana ayio, barabwo bagachaka korera. 5Ase engencho eyio bakaroka aase aria Bokimu.#2:5 Bokimu, engencho yaye: abareri Agwo bakamoruera Omonene ebing’wanso.
Ogokwa kwa Yoshua
6Yoshua konya oeire Abaisraeli ribaga bagende, na kera oyomo akagenda koira omwando oye ase ense eria. 7Abanto bakaba bagokorera Omonene ase amatuko a Yoshua, na ase amatuko ’abagaaka abatigarete nyuma y’ogokwa kwaye, abwo baroche ogokora okwo okonene Nyasae akorerete Abaisraeli. 8Yoshua mosinto o Nuni, omosomba bw’Omonene, agakwa ekero akoorire emiaka rigana erimo, na ikomi. 9Abanto bakamotindeka ase orogongo rware omwando oye agwo Timunati‐Heresi, irianyi y’egetunwa kia Gaasi, ase ense y’ebitunwa y’Efraimu. 10Abanto b’ekegori keria gionsi bagakwa bagasangererekana amo ne chisokoro chiabo, na abanto b’ekegori kiababwatetie tibamomanyete Omonene na eki akorerete Abaisraeli.
Abaisraeli bagotiga komokorera Omonene
11Erio Abaisraeli bagakora ebibe ase obosio bw’Omonene, bagachaka gokorera chinyasae chiare korokwa Baali. 12Bagatiga komokorera Omonene, Nyasae bwe chisokoro chiabo, oria obarusetie ase ense ya Misiri, bakaba bakobwatana ne chinyasae chinde ching’ao chinyasae chi’abanto baria bamenyete ase egati yabo. Bagasasima chirochio, na ase ayio bakagechia Omonene. 13Bagatiga Omonene na bagachaka gokorera chinyasae chiria chiare korokwa Baali, na echinde chiare korokwa Asitaroti. 14Ase igo Omonene akaba nendamwamu entindi ase Abaisraeli, akababeka ase amaboko ’abanto abaurereria. Naende akababeka ase amaboko ’ababisa babo, baria babaetanaine, na Abaisraeli bakabugwa nababisa baria. 15Kera engaki barenge kogenda ase esegi, Omonene nigo arenge kobabeea na obarentera amabe, buna konya abatebirie na gotiana. Barabwo nigo barenge nemechando emenene.
16Omonene akaa Abaisraeli abagambi baare kobatooria korwa ase abaurereria baria. 17Korende nonya naboigo, tibaigwerete abagambi baria. Abaisraeli tibabete abegenwa ase Omonene, korende bakaba bagosasima chinyasae chinde ching’ao. Bwango bagatiga enchera eria chisokoro chiabo chiabwatetie, enchera y’okoigwera amachiko ’Omonene.
18Ekero kende gionsi Omonene arenge kobaa omogambi nigo arenge koba amo nomogambi oria, naende aba ogotooria abanto korwa ase ababisa babo, ase engaki omogambi oria arenge moyo. Omonene nigo arenge kobarorera amabera ekero aigure okwerera kwabo inse y’abwo babamigete na kobachanda. 19Korende ekero omogambi oria akure, abanto baba bakoonchoka na gokora amabe kobua aya chisokoro chiabo chiakorete. Naende baba bakobwatana ne chinyasae chinde ching’ao, bagachikorera na gochisasima. Tibatigete ogokora kwabo okobe okwo banarete gokora bare noboenenu. 20Ase ayio Omonene akaba nendamwamu entindi ase Abaisraeli, agateba, “Abanto aba basaririe okobwatana kwane kw’ogotianania, okwo nachigete chisokoro chiabo chikobwate. Na bono ekiagera tibanyigwereti, 21inche tingoseria nonya nomonto oyomo bw’ebisaku ebio Yoshua atasaretie ritang’ani atarakwa. 22Ase enchera eyio ninteeme Abaisraeli, ndore gose nabarende chinchera chiane inche Omonene, na gochitunyana, buna chisokoro chiabo chiakorete, gose taibo.” 23Ase igo Omonene agatiga abanto b’ebisaku biria bamenyeo, tabaseria bwango, gose tababegete ase amaboko a Yoshua.
Currently Selected:
ABAGAMBI 2: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
