ABAGAMBI 12
12
Yefta na Abaefraimu
1Abanto b’Efraimu bagasangererekana amo, bakaamboka gochia Safoni, bagakwana na Yefta, bakamotebia, “Nase ki kwagendete korwania Abaamoni, ko tigwatorangeria togende komo? Bono ntorigetie gosamba enyomba yao, naye boigo togosamberao.”
2Yefta akabairaneria, “Inche na abanto baane nigo twabwate eriomana ri’obobisa obonene n’Abaamoni. Inche nabarangeretie, korende timwanchete gontooria korwa ase amaboko abo. 3Na ekero naroche ng’a timwanchete gontooria tinaraarete obogima bwane, nkaamboka, nkagenda korwania Abaamoni, na Omonene akababeka ase amaboko aane. Nase ki mwachire gokora esegi nainche?” 4Erio Yefta agasangereria abanto bonsi ba Gileadi, bakarwania Abaefraimu, bakababua. Abaefraimu konya batebire, “Inwe Abagileadi, nigo morwete ase Abaefraimu na ase Abamanase, nigo mwatamete korwa ase Abaefraimu.” 5Abanto ba Gileadi bakabwata ebiambokero bia Yorodan, bagatanga abanto b’Efraimu. Na ekero Omoefraimu onde bwensi oyorenge gotama are gosaba ribaga kwamboka, abanto ba Gileadi nigo baare komoboria, “Aye n’Omoefraimu ore?” Onye omonto oria orenge gokana oteba, “Yaya”, 6nigo baare komoboria atebe “Shibolet”. Onye orenge goteba “Sibolet”, ekiagera tarenge konyara gwatora ring’ana riria boronge, nigo barenge komobwata, bamoitera agwo ase ebiambokero bia Yorodan. Ase engaki eria Abaefraimu chilifu emerongo ene bagaitwa.
7Yefta akagambera Abaisraeli ase engaki y’emiaka etano nomo. Erio Yefta, Omogileadi, agakwa, agatindekwa ase omochie oye agwo Gileadi.
Ibasani, na Eloni, na Abidoni
8Nyuma ya Yefta, Ibasani o Bethlehemu akagambera Abaisraeli. 9Ere nigo abwate abana abamura emerongo etato, na abaiseke emerongo etato. Agasokia abana baye abaiseke ase abaamate abaao, naende akarenta abaiseke ba isiko emerongo etato, abana baye abamura bakabanyuoma. Ibasani akagambera Abaisraeli ase engaki y’emiaka etano na ebere. 10Erio Ibasani agakwa, agatindekwa agwo Bethlehemu.
11Nyuma ya Ibasani, Eloni, omwa Sabuloni, akagambera Abaisraeli ase engaki y’emiaka ikomi. 12Erio agakwa, agatindekwa agwo Ayaloni, ase orogongo rwa Sabuloni.
13Nyuma y’Eloni, Abidoni, mosinto o Hileli, Omopiratori, akagambera Abaisraeli. 14Ere nigo abwate abana abamura emerongo ene, na abana abamura abachokoro emerongo etato. Barabwo nigo baare koriina chitigere emerongo etano na ebere. Abidoni akagambera Abaisraeli ase engaki y’emiaka etano na etato. 15Erio Abidoni, mosinto o Hileli, Omopiratoni, agakwa, agatindekwa agwo Piratoni, ase ense y’Efraimu, ase ense y’ebitunwa y’Abaameleki.
Currently Selected:
ABAGAMBI 12: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
