ABAGAMBI 10
10
Tola na Yairi
1Nyuma y’Abimeleki Tola, mosinto o Pua o Dodo, omonto bw’egesaku gia Isakaru, akaimoka gotooria Abaisraeli. Ere nigo amenyete Samiri, ase ense y’ebitunwa y’Efraimu. 2Ere akagambera Abaisraeli ase engaki y’emiaka emerongo ebere, na etato. Erio agakwa, agatindekwa agwo Samiri.
3Nyuma yaye Yairi Omogileadi akaimoka. Nere akagambera Abaisraeli ase engaki y’emiaka emerongo ebere, na ebere. 4Ere nigo abwate abana abamura emerongo etato, baare koriina chitigere emerongo etato. Boigo bakaba bakogambera emechie emerongo etato agwo ase ense ya Gileadi. Emechie eyio nigo ekorokwa Hawoti‐Yairi (Emechie ya Yairi) nonya ngoika rero iga. 5Yairi agakwa, agatindekwa agwo Kamoni.
Abafilisti na Abaamoni bagochanda Abaisraeli
6Naende Abaisraeli bagakora ebibe ase obosio bw’Omonene; bagasasima chinyasae chiria chiare korokwa Baali, na echinde chiare korokwa Asitaroti, amo ne chinyasae chi’Abasiiria na Abasidoni, na Abamoabu, na Abaamoni, na Abafilisti; naende bagatiga komokorera Omonene. 7Omonene akaba nendamwamu enene ase Abaisraeli, akababeka ase amaboko ’Abafilisti na ay’Abaamoni, 8Ase omwaka oria barabwo bagachanda Abaisraeli na kobakorera bobe. Ase engaki y’emiaka ikomi, na etano na etato, bagachanda Abaisraeli bonsi abamenyete moocha y’orooche rwa Yorodan ase ense y’Abaamori ase Gileadi. 9Amo nayio Abaamori bakaamboka Yorodan gochia korwania Abayuda, na Ababenjamin, na Abaefraimu, goika Abaisraeli bagachandwa bobe mono.
10Erio Abaisraeli bakarera ase Omonene, bagoteba, “Twakorire ebibe asore, ekiagera twagotigire aye Nyasae oito, na gokorera chinyasae chiria Baali.”
11Omonene akabairaneria, “Inee! Tinabatooretie korwa ase Abamisiri, na Abaamori, na Abafilisti? 12Boigo Abasidoni, na Abaameleki, na Abaamoni, abwo bonsi mbabachandete; mokarera asende, na inche nkabatooria korwa ase amaboko abo. 13Korende bono mwantigire inche na gokorera chinyasae ching’ao; ase ayio tintageti kobatooria naende. 14Genda, morere ase chinyasae chiria mogokorera, tiga chirochio chibatoorie bono ekero more ase emechando.”
15Erio Abaisraeli bagatebia Omonene, “Twakorire ebibe, na bono tokorere buna oranche aye omonyene; twagosoroire, ototoorie rero, koranche.” 16Ase igo bakarusia na gotuguta chinyasae chingeni echiarenge ase egati yabo, bagakorera Omonene. Na bono Omonene tare konyara koremereria naende korora emechando y’Abaisraeli.
17Abaamoni bakarangerigwa gocha korwana, bagatoora agwo Gileadi, korende Abaisraeli bagasangererigwa, bagatoora agwo Misipa. 18Abanto ba Gileadi na abatang’ani babo bagakwana barabwo ase barabwo, “Ning’o oranche gochaka korwania Abaamoni? Ere oyio nabe omogambi bw’abanto bonsi ba Gileadi.”
Currently Selected:
ABAGAMBI 10: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
