ISAYA 38
38
Oborwaire bw’omoruoti Hezekia na okogwenigwa kwaye
(2 Abar 20:1–11; 2 Am ’Eb 32:24–26)
1Ase amatuko aria Hezekia akarwara, akaba ang’e nogokwa. Isaya omobani, mosinto bw’Amosi, agacha asare, akamotebia, “Aya naro Omonene agoteba: Ebeke ang’e, amo nenyomba yao, ekiagera aye goika okwe, tokogwena.”
2Hezekia akaonchora obosio bwaye gochia ase enyasi, agasaba Omonene, 3akabora, “Bono Omonene nagosoroire, inyora buna nabeire ngokobwatia ase obwegenwa, na ase enkoro yane yonsi, naende nakorire ayare amaronge ase obosio bwao.” Erio. Hezekia akarera nobororo.
4Erio ring’ana ri’Omonene rigacha ase Isaya, rikamotebia, 5“Irana otebie Hezekia ng’a inche Omonene, Nyasae o Daudi sokoro yaye, nigo ngoteba iga: Naigure ogosaba kwao, narorire amariga ao. Rora, nakomentire emiaka ikomi na etano ase obogima bwao. 6Ningotoorie aye amo nomochie oyo, korwa ase okoboko kw’omoruoti bw’Abaasuri; ning’egere omochie oyo.
7“Eke nakio ekemanyererio asore korwa ase Omonene, ng’a naikeranie amang’ana ayio atebire: 8Rora, ase ekerengero gie chinsa ki’Ahasi ninkore omorengari oria otambeire ekero erioba riereerire oirane gochia nyuma ebitambokero ikomi.” Ase ayio erioba rikairania omorengari oye ebitambokero ikomi ase ekerengero keria.
9Nyuma Hezekia, omoruoti bw’Abayuda, kagwenire korwa ase oborwaire bwaye, akarika ogotera oko:
10Nigo narengereretie ng’a ngochia gokwa inde ase emiaka y’oboke bwane;
ningende ase ebiita bi’aase abakure,
naurirwe emiaka yane yatigarete.
11Ngateba, “Tinkorora Omonene naende ase ense y’abare moyo,
gose korora monto onde bwensi ase aba bamenyete ase ense eye y’obosiru.
12Obomenyo bwane bwatagoirwe na korusigwa asende buna eema y’omorisia,
naringire obogima bwane buna omoroisia ebitambaa akobiringa;
nabutoirwe korwa ase egekorero;
ekero botaraira, aye nigo okoeria obogima bwane.
13Nigo nkorera ase obotuko bwonsi ng’a nkonywe;
Omonene obunire amauga aane buna endo ekobuna ebi yaitire;
ekero botaraira ere nigo akoeria obogima bwane.
14Nigo nkorera buna egesingororo gose ebarara;
nigo nkweumia buna riruma.
Amaiso aane arosire ase okorigereria gochia igoro.
Aye Omonene, nigo inde nemechando emenene, indwanerere!”
15Inki bono ngokwana?
Omonene nere okwanire nainche,
nere omonyene okorire amang’ana aya.
Ase igo nintaare inde nobokanyeku ase emiaka yane yonsi,
ase engencho y’obororo bwonsi bw’omoyo one.
16Aye Omonene, ase okoba namang’ana buna ayio, abanto nigo bakoba moyo,
na obogima bw’omoika one nao bore ase ayio,
na bono ingwenie kegima na onkore imbe moyo.
17Naama! Nigo narenge nobororo obonge,
na obororo obwo bokandetera omorembe.
Ase obwanchani bwao gwatooririe omoyo one korwa ase engoro y’obosareku;
gwatugutire ebibe biane bionsi gochia nyuma yao.
18Abare aase abakure tibagokoiraneria ng’a mbuya mono,
abwo bakure tibakogotogia;
abwo bakogenda ase chimbeera ime tibagosemeria obwegenwa bwao.
19Omonto ore moyo nere orakoiranerie ng’a mbuya mono,
buna inche ngokoiraneria ng’a mbuya mono ase rituko ria rero;
ise abana nere agokora obwegenwa bwao bwamanyekana ase abana baye.
20Omonene nantoorie;
ase ayio ntobe togotera amatera, ase okobugia amakano aane,
ase obogima bwaito bwonsi, agwo ase enyomba y’Omonene.
21Bono Isaya konya otebire iga: “Tiga baimokie ribomba ri’amako, baribeke ase rigumba ria Hezekia, erinde agwene.” 22Boigo Hezekia konya oboririe iga: “Nkemanyererio ki gekonyorokia ng’a ningende ase enyomba y’Omonene?”
Currently Selected:
ISAYA 38: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
