ISAYA 39
39
Abanto batometwe korwa Babeli
(2 Abar 20:12–19)
1Ase engaki eria omoruoti o Babeli Merodaki‐Baladani, mosinto o Baladani, agatoma abanto bakaira rirube na ebiegwa ase Hezekia, ekiagera aigwete ng’a Hezekia nabete omorwaire, naende ng’a konya ogwenire. 2Hezekia akabaroisia buya, erio akaborokia chimonga chiaye chionsi, ne chifeta, ne chitahabu, na ebinsari, na amaguta e rigori rinene, na ebirwanero biaye bionsi, na ebinto bionsi biagachire ase chinyomba chiaye. Tatigete gento kende gionsi ase enyomba yaye, gose ase chikungo chi’oboruoti bwaye, ataborogetie. 3Erio omobani Isaya agacha ase Hezekia, omoruoti akamoboria, “Ngento ki abanto aba bakwana? Ng’ai barwa bagacha asore?”
Hezekia akamoiraneria, “Barabwo nigo barwa Babeli, ense y’aare, bagacha asende.”
4Isaya akamoboria, “Ngento ki barora ase enyomba yao?”
Hezekia akairaneria, “Nigo barora ebinto bionsi bire ase enyomba yane, tikeri nonya negento ekemo ase amagachero aane ntaborokia.”
5Erio Isaya agatebia Hezekia, “Bono igwa ring’ana ri’Omonene bw’Eganda: 6Naama! Amatuko ngocha are, ekero ebinto bionsi bire ase enyomba yao, na ebinto bionsi chisokoro chiao chiagachete goika rero iga nabiimokigwe biirwe Babeli. Nonya negento ekemo tikegotigara. Aya naro Omonene atebire. 7Boigo abana bande bao abamura, abwo kwaiboreirwe, inabairwe, bachie koba abakoreri ase enyomba y’omoruoti o Babeli.”
8Erio Hezekia agatebia Isaya, “Ring’ana ri’Omonene aye gwakwanire nerigiya.” Naende akamotebia, “Omorembe na okorendwa okuya nigo bigochia koba ase obogima bwane.”
Currently Selected:
ISAYA 39: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
