ISAYA 31
31
Nyasae narende omochie o Yerusalemu
1Obobe nobwabo abwo bagotirimboka gochia Misiri korigia ogokonywa, abwo basemeretie chibarasi ne chigari, ekiagera chire chinyinge, na abariini chibarasi, ekiagera bare ne chinguru, korende tibari korigia Oyore Omochenu bw’Abaisraeli, gose korigia ogosesenigwa korwa ase Omonene oyio. 2Ere nigo are omong’aini na nigo akorenta obobe gose tari koonchora amang’ana aye. Nae eamate y’abakori amabe egesusuro, boigo nae abakonyi b’abagokora amabe egesusuro. 3Abamisiri nigo bare mwanyabanto, tibari Nyasae; chibarasi chiabo nigo chire emebere, tichiri emeika. Ekero Omonene ararambore okoboko kwaye, abwo bagokonya mbagochwe, na abwo bagokonywa bagwe; bonsi nigo barasirigwe amo.
4Aya naro Omonene antebetie; “Buna koreng’ana endo ensae ekoronya ase eng’iti yaitire, na teri kogoswa namariogi ’omoganda bw’abarisia, gose teri kwoboa egeturi kiabo, naboigo inche Omonene bw’Emeganda ndache korwana ase Egetunwa gia Sayoni, na ase ekegoro kiaye. 5Buna koreng’ana chinyoni chikorambora chimbaba chiabo, naboigo inche Omonene bw’Emeganda ndaegere Yerusalemu; ninyorende na koyobooria; ninyororere amabera na koyotooria.”
6Inwe Abaisraeli, moiranere oria mwasaretie asare mokamotiga. 7Engaki ngocha ere kera omonto aratugute emegwekano yaye agosasima eroisirie korwa ase chifeta ne chitahabu, eyio mwaroisetie namaboko aino, na igo mogakora ebibe. 8“Abaasuri mbaitwe nemioro, korende tari eya mwanyabanto, ee, emioro etari eya mwanyabanto nebasirie. Abanto abwo mbatame korwa ase esegi, na abamura babo mbairwe ase obosomba, bakore emeremo ase okobetererigwa. 9Oyore egetare kiabo natame ore nomoondoko omonge; na abakogamba amo nere mbatame ase okogoswa ekero bararore ebendera y’esegi.” Omonene, oyio omorero oye ore ase Sayoni, na ekebemberi kiaye ki’omorero kere Yerusalemu, otebire amang’ana ayio.
Currently Selected:
ISAYA 31: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
