ISAYA 20
20
Obobani igoro ya Misiri na Etiopia
1Ase omwaka oria Taritani, omochiki omonene bw’abarwani b’Abaasuri, atometwe na Sarigoni, omoruoti obo, agende ase omochie bw’Asidodi; ere akayorwania esegi, akayobua. 2Ase engaki eyio Omonene agakwana na Isaya, mosinto bw’Amosi, akamotebia, “Genda orusie egunia obegete ase omobere oo, na ebikoroto obegete ase amagoro ao.” Isaya agakora bo, akaba ogotaara getirianda, na tabegete ebikoroto.
3Erio Omonene agateba, “Buna koreng’ana Isaya, omosomba one, abeire okona‐gotaara goetanana aaria na aaria ase emiaka etato yaetire, ore getirianda na atabegeti bikoroto, obeire ekemanyererio na omogwekano bw’amang’ana arabe ase Abamisiri na ase Abaetiopia, 4naboigo omoruoti bw’Abaasuri araire abasomba korwa Misiri, naire na Abaetiopia abooswa. Nigo baraire abanto abake na abanene bare getirianda na batabegeti bikoroto, gose batatubeti chinyonga chiabo, na igo ense y’Abamisiri erenterwe obosooku. 5Abanto abwo basemeretie Abamisiri na betogeretie Abaetiopia mbabe baichanete na gosooka. 6Ase engaki eyio abanto bamenyete ase ense ere ang’e nenyancha mbakwane, batebe: Rora amang’ana abanyorire abanto abwo intwe twasemeretie na kobatamera ng’a batokonye korwa ase omoruoti bw’Abaasuri! Bono, naki intwe toranyare gotooreka?”
Currently Selected:
ISAYA 20: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
