ISAYA 18
18
Nyasae nae Abaetiopia egesusuro
1Obobe nobw’ense eyio ogoakanigwa gwe chimbaba gokoigweka, ense ere ng’umbu ye chindooche chi’Etiopia, 2eyio egotoma abatomwa goetera ase orooche rwa Naili bariinete amaato aroisirie korwa ase amauncho! Inwe abatomwa more abaango, genda ase abanto b’egesaku bare abatambe babwate emebere emeterere ekomeka‐meka, bairokire nabanto bare ang’e, na abare aare. Egesaku ekio nigo kere ne chinguru, naende gekona‐kobua, na ense yabo chindooche chinachete.
3Inwe mwensi ababiare b’ense, inwe abamomenyeteo, ekero ebendera ekoimokererigwa ase egetunwa igoro, morigererie! Ekero egetureri gekobugigwa, motegerere! 4Aya naro Omonene antebetie: “Nintegerere korwa aiga ase obomenyo bwane inde nobotoereru, imoreke buna amasase ’erioba akomoreka. Nigo ndabe buna riire rigotonya riime ase engaki y’omobaso omororo bwe rigesa.” 5Ekero chindagera chiakoorire gosicha ne rigesa ritaraika, na amasabibu achakire kwama, Omonene nasose chinsagia nomoyio enkuro, na ebisebo bigokina abirusieo. 6Chinsagia echio chionsi nchitigerwe chinyoni chi’ebitunwa ne ching’iti chi’ense. Chinyoni chintindi nchimenyeo ase engaki y’omobaso, ne ching’iti chionsi chi’ense ase engaki y’obokendu.
7Ase engaki eyio Omonene bw’Emeganda narenterwe ebiegwa nabanto abwo bare abatambe babwate emebere emeterere ekomeka‐meka, abwo bairokire nabanto bare ang’e na abare aare. Egesaku ekio nigo kere ne chinguru, naende nigo gekona‐kobua, na ense yabo nigo ere ne chindooche chinyinge. Ebiegwa ebio nigo birarentwe ase Egetunwa gia Sayoni, agwo ase erieta ri’Omonene rimenyete.
Currently Selected:
ISAYA 18: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
