EKEKIELI6 9
9
Yerusalemu okoegwa egesusuro
1Nkaigwa Omonene ogoaka eriogi rinene, ogoteba, “Tebia abwo bachikirwe gosaria omochie bache, kera oyomo ache ore nekerwanero kiaye ase okoboko kwaye.” 2Erio abanto batano nomo bagacha korwa ase egeita kia rogoro kerochie sugusu. Kera oyomo agacha obwate ekerwanero kiaye ki’ogoita koboko kwaye, bare amo nomonto obegete eanga y’egatani, bwebeoranetie ekaramu akorikera, ere kenema kiaye. Abanto abwo bagasoa ime, bagatenena ang’e negesasimero kiaroisirie korwa ase etaai.
3Obonene bwa Nyasae bw’Abaiisraeli konya bwaimokereire igoro korwa ase omokerubi, agwo ase bwarenge, bokagenda ase omoriibo o inse bw’egesieri ki’enyomba eria. Erio Nyasae akarangeria omonto oria obegete eanga y’egatani bweboeranetie ekaramu akorikera, 4akamotebia, “Soa oete ase omochie o Yerusalemu bwonsi, obeke ekemanyererio ase obosio bwa kera omonto oichanete na korera ase engencho y’ebibe bi’okogechia bigokorwa ase omochie oyio.”
5Nkaigwa ogotebia abanto baria bande, “Mobwatie omonto oyio korwa nyuma, moetanane ase omochie bwonsi, moite abanto; timoombia ng’a timobarochi, gose timobarorera amabera. 6Moite mosirie kegima abagaaka, na abamura, na abaiseke, na abana, amo nabakungu, korende timobaisa gokuna omonto obekeire ekemanyererio keria. Mochakere Aase aane Aachenu.” Ase ayio bagachaka goita abagaaka bateneine bosio bw’enyomba eria. 7Erio Omonene akabatebia, “Mokore enyomba yane ebe eyetachenegeti; moichorie chiraaro chiaye nebitondo bi’abanto. Nyuma y’ayio mosoe ase omochie” Ase ayio bagasoa ase omochie, bagaita abanto.
8Ekero abwo bagendererete goita abanto, ngatigara inche bweka. Erio ngatung’ama inse nkaumama, nkarera ase Omonene, nkamoboria, “Aye Omonene Nyasae, Inee, nigo ogochia gosiria Abaisraeli bonsi abwo batigaire ase okoumora endamwamu yao ase Yerusalemu?”
9Omonene akang’iraneria, agantebia, “Ebibe bi’Abaisraeli na Abayuda nigo bire ebinene mono. Ense nigo eichire nogoiterwa kw’amanyinga, na omochie nigo oichire nobokorekanu bw’ogosaria amachiko, ekiagera abanto nigo bagoteba: Omonene otigire ense eye, ere tari korora kende. 10Inche tinkoombia ng’a timbarochi, gose tinkobarorera amabera, goika mbaakane ogokora kwabo kobairanere.”
11Erio omonto oria obegete eanga y’egatani, na bweboeranetie ekaramu akorikera, akairana akarenta amang’ana, agateba, “Nakorire buna gwanchigete.”
Currently Selected:
EKEKIELI6 9: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
