EKEKIELI6 8
8
OKORORA GWA KABERE GWA EZEKIELI
(8:1—10:22)
Ogosasimwa kw’emegwekano ase Yerusalemu
1Ekaba ase rituko ria gatano, omotienyi o gatano na rimo, omwaka o gatano na rimo, ekero narenge ng’ikaransete nyomba mwane amo nabagaaka b’Abayuda, okoboko kw’Omonene Nyasae kogacha igoro yane. 2Nkarigereria, nkarora omogwekano bw’omonto ore nekieni kenga omorero. Korwa ase ensemo ekarorekana buna ekebono kiaye gochia inse omorero norengeo, na korwa ase ekebono kiaye gochia igoro nkarora obomeka‐meku buna obw’etaai. 3Akarambora omogwekano onga buna okoboko, akabwata etukia y’omotwe one. Erio Omoika okanyimokereria igoro ase egati y’ense na igoro, na ase okorora gokorwa ase Nyasae Omoika okang’ira Yerusalemu. Okang’ira goika ase egesoero ki’eraaro ya ime, goetera ase egeita kiarochie sugusu. Aroro agwo nao omogwekano obekire, oyio obogetie risemi ria Nyasae.
4Naama! Obonene bwa Nyasae bw’Abaisraeli nao bwarenge, nkaborora buna naboroche ase ense omweya. 5Erio Omonene agantebia, “Aye mwanyabanto, imokia amaiso ao igoro, origererie gochia sugusu.” Ase ayio nkarigereria gochia sugusu, nkarora omogwekano bw’ogosasimwa, oria obogetie risemi ria Nyasae oteneine ensemo ya sugusu y’egesoero ki’egeita kegochia ase egesasimero.
6Naende Omonene akamboria, “Aye mwanyabanto, Inee, kwarorire egento Abaisraeli bagokora? Nigo bagokora ebibe ebinge bi’okogechia aase aiga, na bagonseria gochia aare korwa Aase aane Aachenu. Korende norore okogechia okonene kobua okwo.”
7Erio akandeta ase egesieri ki’eraaro, na ekero narigereretie nkarora ekebao ase enyasi. 8Erio Omonene agantebia, “Aye mwanyabanto, bochora enyasi eyio.” Ekero nabochorete gochia ime, nkarora egesieri. 9Agantebia, “Soa gochia ime, erinde orore ebibe bi’okogechia okonene bagokorera aase aiga.” 10Ase ayio ngasoa ime, nkarigereria enyasi chinsemo chionsi, nkarora kera egesaku gie ching’iti chi’okogechia, na emegwekano yonsi Abaisraeli bagosasima, biamang’eire ase chinyasi. 11Abagaaka b’Abaisraeli emerongo etano na ebere, amo na Yasania, mosinto o Safania, nigo bateneine ase egati y’emegwekano eyio y’ogosasimwa. Kera oyomo nigo abwate ase amaboko aye egetaabo ki’ogosambera ubani, na erioki ria ubani richongororogete gochia igoro. 12Omonene akamboria, “Aye mwanyabanto, kwarorire egento abagaaka b’Abaisraeli bagokora ase omosunte, kera oyomo ase akanunchi kaye k’emegwekano y’ogosasimwa? Barabwo nigo bagoteba: Omonene tatorochi. Ere otigire ense eye.”
13Naende agantebia, “Norore okogechia okonene kobua okwo barabwo bagokora.” 14Erio akang’ira ase egesoero ki’egeita gia sugusu ase enyomba y’Omonene, na aroro nkarora abakungu baikaranseteo bakoreera enyasae ekorokwa Tamusi.
15Erio Omonene akamboria, “Aye mwanyabanto, kwarorire amang’ana aya? Norore okogechia okonene kobuete oko.” 16Naende akang’ira ase eraaro ya ime y’enyomba y’Omonene. Agwo ase egesieri gie Hekalu y’Omonene egati y’enyomba ya bosio na egesasimero, nkarora abasacha koreng’ana emerongo ebere, na batano. Barabwo nigo baete Hekalu y’Omonene amagega, barigereretie gochia moocha. Abwo nigo barenge gosasima erioba barigereretie gochia moocha.
17Erio akamboria, “Aye mwanyabanto, kwarorire amang’ana aya? Inee! Aya namang’ana amagusu mono ase Abayuda ng’a bakore ebibe bi’okogechia, ebio bagokorera aase aiga? Nigo bagochia goichoria ense yonsi nobobe na bangechie imbe nendamwamu naende naende? Rora buna babekire orosagia rw’omosabibu ase chimioro chiabo. 18Ase ayio, nimbakorere amabe inde nendamwamu. Tinkoombia ng’a timbarochi, gose tinkobarorera amabera. Nabaisa korera baake eriogi rinene asende, tinkobaigwa.”
Currently Selected:
EKEKIELI6 8: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
