EKEKIELI6 6
6
Omonene okoragereria ogosasimwa kw’emegwekano
1Ring’ana ri’Omonene rigacha asende, rigantebia, 2“Aye mwanyabanto, rigereria gochia ase ebitunwa bi’Abaisraeli, obane mamincha yabo, 3otebe: Inwe ebitunwa bi’Abaisraeli, igwa ring’ana ri’Omonene Nyasae! Aya naro Omonene Nyasae agotebia inwe ebitunwa, na ebigoro, ne chindooche, na amakura: Rora, inche nindete omoro asemore na ninsarie aase aino aimokererete igoro mogosasimera. 4Ebisasimero biaino mbisarigwe kegima, naboigo na ebisasimero biaino bi’ogosambera ubani. Abanto abwo baraitwe mbatugutwe bosio bw’emegwekano yaino mogosasima. 5Nimbeke emebere ekwete y’Abaisraeli bosio bw’emegwekano yabo bagosasima, na amauga aino ninyasiarere chinsemo chionsi chiebisasimero biaino. 6Aase aande onsi morabe momenyete, emechie yaino nesirigwe, na aase aino aimokererete igoro mogosasimera natagorwe na atigwe bosa, na emegwekano yaino mogosasima nebutoranwe tebao naende; boigo na amatenenerio aino aya mogosasimera erioba nabutorwe agwo inse, naboigo na ebisasimero biaino bi’ogosambera ubani, na emeremo yaino yonsi mwakorire esirigwe. 7Abanto baraitwe mbagwe ase egati yaino, na inwe monyare komanya ng’a inche ninche Omonene.
8“Korende nonya naboigo nintige abande baino babe moyo. Abande b’abwo baratooreke korwa ase emioro mbasiarerwe gochia ase chinse chinde, babe bamenyete ase egati y’ebisaku. 9Abwo baratooreke korwa ase emioro na koirwa ase obosomba ase egati y’ebisaku mbabe bakong’inyora, ekiagera nasenyentete chinkoro chiabo chi’obokayayu, echio chiantigete, na nkaukoria amaiso abo, ayio atengerete ase okogania emegwekano yabo bagosasima. Mbachandeke na kwegecha boka abanyene, ase engencho y’ebibe bakorire, na ase engencho y’okogechia kwabo gwonsi. 10Erio mbamanye ng’a inche ninche Omonene. Amang’ana nakwanete ng’a nimbarentere amabe ayio tarenge amang’ana a bosa.”
11Aya naro Omonene Nyasae agoteba, “Samunsa amaboko aino, na motinere amagoro aino inse, morere: Obee! Obee! Nase engencho y’obobe bwonsi bw’okogechia kw’Abaisraeli obwo bwagerire ng’a baitwe nemioro, na enchara, na amarwaire. 12Omonto orabe okare aare, oborwaire mbomoite, na oyore ang’e naitwe nomoro, na oyo otigaire na orendire, enchara nemoite. Ase enchera eyio inche Omonene ning’umore ekeririanda kiane igoro yabo. 13Ekero emebere y’abanto baitirwe erabe eraire ase egati y’emegwekano yabo bagosasima eetanaine ebisasimero biabo igoro y’ebigoro bionsi, na igoro y’ebichuria bi’ebitunwa bionsi, na inse y’emete yonsi emebese, na inse ya kera omote onga buna omotontera, agwo aase aande onsi ase baruerete ebinto bigosokia rimisu rigiya ase emegwekano yabo bagosasima, erio nario baramanye ng’a inche ninche Omonene. 14Nindambore okoboko kwane mbaake, insirie ense yabo nyetige bosa, ee, aase aande onsi bamenyete nabe bosa kobua erooro ya Dibula. Erio mbamanye ng’a inche ninche Omonene.”
Currently Selected:
EKEKIELI6 6: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
