EKEKIELI6 47
47
Orooche rogotirimboka korwa ase Hekalu
1Nyuma y’ayio omonto oria akang’ira gochia ase egesieri gie Hekalu. Nkarora amache akorwa inse y’egesona gie Hekalu, agotirimboka gochia moocha ase enyomba eria yarochie. Amache aria agaeta korwa inse y’ensemo ya moocha ye Hekalu agwo irianyi y’egesasimero. 2Erio omonto oria agansokia isiko akang’eteria ase egeita gia isiko kiarochie sugusu, akang’etanania gochia ase egeita kiarochie moocha; aroro agwo nkarora amache akorwa ensemo ya irianyi y’egeita. 3Omonto oria nigo abwate emoti y’okorengera, akagenda, akabwatia orooche gochia moocha, akarenga obotambe bw’amaboko elifu eyemo, na agwo akanyambokia ase amache, na amache aria akaang’ika ase ebitarenge bi’amagoro. 4Naende akabwatia orooche roria, akarenga obotambe bw’amaboko ande elifu eyemo, akanyambokia ase amache aria, naro akang’ika ase amaru. Naende akarenga amaboko elifu eyemo ende, akanyambokia ase amache, naro akang’ika ase ekenema. 5Naende akarenga amaboko elifu eyemo ende, bono konya rwabeire orooche oronene ntare konyara gotaara imeo. Amache aria konya aichoire mono, tinare konyara kwamboka otatiga ase ogoaka entimbu. 6Omonto oria akamboria, “Aye mwanyabanto, kwarorire aya?”
Erio akang’irania, akang’etia mbarabare ase engegu y’orooche orwo. 7Ekero nare goeta ase engegu eyio nkarora emete emenge ase chingegu chi’orooche orwo ase chinsemo chionsi. 8Omonto oria agantebia, “Amache aya nigo akogenda ase ensemo ya moocha gochia riranya ria Yorodan, na ekero arasoe ase enyancha ere namache are nomonyo nansie amache ayio abe amaya. 9Aase aande onsi amache ayio aragende, kera egetongwa kere moyo kemenye ime yaye nkegenderere koba moyo, ne chinswe chinyinge mono nchibeo. Ee, ekero amache aria araike ase enyancha eria, amache ’enyancha eria nanse abe amaya, na kera egento nkenyore obogima. 10Abarubi mbatenene ase engegu y’orooche orwo gochakera Eni‐Gedi na goikera Eni‐Egelaimu. Aase agwo nabe ase ebionga bikorutwa, na ebisaku ebinge bie chinswe mbibe aroro buna bire ase Enyancha eria Enene. 11Korende amache are ase chitente chiaye, na amatibo aye, tagwansa abe amaya, korende nigo aragenderere koba nomonyo. 12Ase chingegu chi’orooche orwo chinsemo chionsi ibere emete y’ebisaku ao ao ekwama amatunda akoriegwa nemereo. Amato ’emete eyio tagosusana, gose emete eyio tekomocha kwama amatunda. Kera omotienyi nigo erame amatunda amayia, ekiagera amache agocha ase emete eyio nigo arabe akorua ase Hekalu. Ase ayio amatunda ’emete eyio nabe endagera, na amato abo nabe eriogo rikogwenia abanto.”
Chimbebe chi’ense y’Abaisraeli
13Aya naro Omonene Nyasae agoteba: “Echi nachio chirabe chimbebe chi’ense egochia gwatananerwa ebisaku ikomi na bibere bi’Abaisraeli ebe emiando yabo. Ororeria rwa Yusufu rororwo roegwe ebitari bibere. 14Mobaatere mobareng’anerie kera omonto ensemo yaye. Nigo netianetie koa chisokoro chiaino ense eye; ase ayio ense eyio nebe omwando oino.
15“Eri nario rirabe ribebe riaino: Ribebe ria sugusu richakere korwa ase Enyancha Enene, rietere emechie ya Heteloni, na Sedadi, 16na Hamati, na Berota, na Sibiraimu, eyio ere ase egati y’omochie o Damesiki, na oyo o Hamati. Naende rigenderere goika Haseri‐Atikoni ere ang’e ne ribebe ria Haurani. 17Ase ayio ribebe erio richakere korwa ase enyancha rigenderere goika Hasari‐Enoni, omochie ore ase ribebe ria Damesiki, naende rigenderere gochia sugusu goika ase orogongo rwa Hamati. Nario rirabe ribebe ria sugusu.
18“Ribebe ria moocha richakere korwa ase egati ya Haurani na Damesiki, ribwatie orooche rwa Yorodan, gati ya Gileadi na ense y’Abaisraeli, rigenderere kobwatia Enyancha y’Omonyo. Naboigo morariate. Erio nario rirabe ribebe ria moocha.
19“Ribebe ria irianyi richakere korwa Tamari, rigenderere goikera ase amache a Kadeshi‐Meriba; korwa agwo rigenderere kobwatia akarooche ka Misiri, ritwomere Enyancha Enene. Erio nario rirabe ribebe ria irianyi.
20“Enyancha Enene nero erabe ribebe ria bosongo goikera ase egesoero kia Hamati. Eyio nero erabe ribebe ria bosongo.
21“Naboigo moraaterane ense eyio koreng’ana buna inwe ebisaku bi’Abaisraeli more. 22Moyiaterane ase ogoaka obomera, ebe emiando yaino na ey’abamenyi bare ase egati yaino baiborerete abana ase egati yaino. Abwo babe asemore buna ababiare b’Abaisraeli, baegwe emiando ase egati y’ebisaku biaino inwe Abaisraeli. 23Omomenyi goika aegwe omwando oye agwo ase egesaku ekio ase amenyete. Nabo inche Omonene natebire.
Currently Selected:
EKEKIELI6 47: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
