EKEKIELI6 46
46
Omogambi na Amatuko Amanene
1“Aya naro Omonene Nyasae agoteba: Egeita kia moocha kegosoerwa gochia ase eraaro ya ime, goika kegenderere gosiekwa ase engaki yonsi y’amatuko atano na rimo ay’ogokora emeremo, korende ase rituko ri’Esabato, na eri’Omotienyi Omoyia, goika keigorwe. 2Omogambi asoe goetera ase egesona ki’oboagacho bore geita, atenene ase omotobwa bw’egesieri kere aroro. Omogambi oria abe ogosasimera agwo ase egesoero ekero abakuani bagendererete korua ebing’wanso biaye bi’ogosambwa na ebi’omorembe. Erio omogambi asoke isiko, korende egeita keria tigesiekwa goika mogoroba. 3Kera Esabato, na kera Omotienyi Omoyia, abanto b’ense eyio goika babe bagosasimera agwo ase obosio bw’Omonene agwo ase egesoero ki’egeita ekio. 4Ase rituko ri’Esabato omogambi arue ekeng’wanso ki’ogosambwa ase Omonene, chimanwa chie ching’ondi isano nemo, na emingichi eyemo, chionsi chibe chitari na kemocho ase emebere yabo. 5Amo nemingichi eria arue okoruegwa kw’endagera egetonga ekemo, na amo ne chimanwa chiria chie ching’ondi arue okoruegwa kw’endagera ekerengo aranyare korua; boigo amo na kera egetonga gi’okoruegwa kw’endagera arue ebituba bine bi’amaguta. 6Ase rituko ri’Omotienyi Omoyia arue eeri ensae eyemo, ne chimanwa chie ching’ondi isano nemo, na emingichi eyemo, chionsi chibe chitari na kemocho ase emebere yabo. 7Amo neeri eria arue okoruegwa kw’endagera egetonga ekemo na amo nemingichi eria boigo, na amo ne chimanwa chiria chie ching’ondi arue okoruegwa kw’endagera ase ekerengo aranyare korua; boigo amo na kera egetonga gi’okoruegwa kw’endagera arue ebituba bine bi’amaguta. 8Ekero omogambi oria arasoe aetere egesona ki’oboagacho bore geita, naende airanere enchera eyio eyio.
9“Ekero abanto b’ense eyio barache ase obosio bw’Omonene gosasima ase Amatuko Amanene, abwo barasoere egeita gia sugusu gocha gosasima, goika basokere egeita kia irianyi; na abwo barasoere egeita kia irianyi goika basokere egia sugusu; monto onde tairanera ase asoerete, korende airanere egeita kerochie ase ekio asoerete. 10Omogambi asoe ime amo nabanto, na ekero bagosoka, nere asoke amo nabarabwo. 11Ase engaki y’emeyega, na ey’Amatuko Amanene achikire, morue okoruegwa kw’endagera egetonga ekemo amo na kera eeri eyemo, na okoruegwa kw’endagera egetonga ekemo amo na kera emingichi eyemo, na amo nechimanwa chie ching’ondi okoruegwa kw’endagera ekerengo moranyare korua, na amo na kera egetonga gi’okoruegwa kw’endagera ebituba bine bi’amaguta.
12“Ekero omogambi ararente ase Omonene okorua kwaye kw’ogwancha, gakorabe ekeng’wanso ki’ogosambwa gose eki’omorembe, aigorerwe egeita kerochie moocha. Nigo ararue ekeng’wanso kiaye ki’ogosambwa, na eki’omorembe, ase enchera buna eria agokora ase rituko ri’Esabato. Gasokire, egeita keria giasiekwa.
Ekeng’wanso gia kera rituko
13“Kera emambia, rituko ase rituko, obe gokorua ase Omonene emanwa y’eng’ondi yakoorire omwaka oyomo etari na kemocho ase omobere oye, ebe ekeng’wanso ki’ogosambwa. 14Boigo kera emambia orue ase Omonene okoruegwa kw’endagera ebimunu bine, na egetuba ekemo na ekeng’ese amaguta ochoganirie nobosie bw’okoruegwa koria kw’endagera. Oyo noro omoroberio ochikire orabe okogenderera botambe. 15Ase enchera eyio emanwa y’eng’ondi, na okoruegwa kw’endagera, na amaguta, mbibe bikoruegwa kera emambia, rituko ase rituko, bibe ekeng’wanso ki’ogosambwa keragenderere koruegwa botambe.
Omogambi na omwando bw’orogongo
16“Aya naro Omonene Nyasae agoteba: Omogambi karae oyomo bw’abana baye abamura oboremo bw’orogongo rwaye, oboremo obwo mbobe omwando bw’oyio oboegwa; ee, omwando oyio nigo orabe oyo bw’abana b’omomura oyio. 17Korende onye okoa omosomba oye oboremo bw’orogongo rwaye, omosomba oria nigo aragenderere gotwara ekeegwa ekio goika engaki y’omwaka bw’obosibore eike, erio akeiranie ase omogambi oria. Omwando oyo nigo ore oyo bw’omogambi oria, na orachie koegwa abana baye. 18Omogambi takoura abanto emiando yabo ayee abana baye, korende nigo arae abana baye emiando korwa ase omwando oye omonyene. Igo monto onde tari ase abanto baane oraurwe enibo yaye.”
Ebinyomba bi’okoruga bie Hekalu
19Erio omonto oria akang’eteria ase egesoero kiarenge ang’e negeita, agansoyia ase ebinyomba ebichenu bi’abakuani biarenge sugusu, nkarora aase aria korwa nyuma, ensemo ya bosongo. 20Naende agantebia, “Aase aiga nao abakuani baraiyekere ebing’wanso bi’okomocha, na ebi’ebibe, naende nao bararugere okoruegwa kw’endagera, erinde tibabaisa korenta ebinto ebio ase eraaro ya isiko, babaise gocha gochena abanto.”
21Naende akang’ira ase eraaro ya isiko, akang’etia ase chikoona chiaye inye, na nkarora ase kera ekoona ekeooreri nkiarengeo. 22Ebiooreri ebio bine biare ase chikoona chi’eraaro nigo biagiteire. Obotambe bwabo nigo bwarenge obw’amaboko emerongo ene, na obogare amaboko emerongo etato, bionsi nigo biareng’aine. 23Orwaki nigo rwaetanaine kera ekemo ki’ebiooreri ebio bine. Inse ase orwaki mbarabare amariko akorugerwa naroisirieo. 24Omonto oria agantebia: “Aya namariko ase abwo bagokora emeremo ye Hekalu bakoiyekera ebing’wanso abanto bakorua.”
Currently Selected:
EKEKIELI6 46: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
