EKEKIELI6 4
4
Ezekieli okworokererigwa aya agochia koba ase Yerusalemu
1“Aye mwanyabanto, imokia ritabori, oribeke bosio bwao, erio orimang’ere omogwekano bw’omochie o Yerusalemu. 2Oyogitere orwaki rw’okoyoboera ase chinsemo chionsi, na oyoetananie neburi boigo, naende oyobekere ebitwori bi’abarwani esegi, na otenenie ebikorero bi’ogotagorera ase chinsemo chionsi. 3Oimokie esani y’ekioma, oyetenenie buna orwaki ase egati yao na omochie oyio; oyorigererie, oyoboere na ogenderere koyoboera. Ayio nabe ekemanyererio ase Abaisraeli.
4“Erio aye orarere orobega rwao rw’okobee, obe kobogoretie obobe bw’Abaisraeli igoro yao. Koreng’ana namatuko ayio orabe koraire igo, naboigo orabogorie obobe bwabo. 5Nagochikeire amatuko amagana atato, na emerongo kianda (390); amatuko ayio nigo anga buna emiaka y’egesusuro ki’obobe bwabo, eyio nero engaki orabe kobogoretie obobe bw’Abaisraeli. 6Ekero orabe gwakoorire korara engaki eyio, naende orarere orobega rwao rw’okorio, na obe kobogoretie obobe bw’Abayuda. Nagochikeire amatuko emerongo ene, rituko erimo ndibe buna omwaka oyomo.
7“Bwasiorie eanga korwa ase okoboko kwao, origererie Yerusalemu oyio oboeire, erio obane mamincha y’oro. 8Ningosibe ne chingori, erinde tonyara koonchoka gochia ensemo ende yonsi goika obe gwakoorire amatuko ao ay’okoyoboera. 9Oimokie engano, na esairi, ne ching’ende, ne chinchorogo, na amaemba, na engano ende, erio obeke ebinto ebio ase ekebekerero ekemo, obiochoganie, obiroisie emegati. Eyio nero orabe gokoria ase engaki eyio y’amatuko amagana atato, na emerongo kianda, orabe koraire. 10Endagera yao orabe gokoria nigo erarengwe, nigo erabe ey’ekerengo gie chisekeli emerongo ebere ase rituko erimo. Eyio nero orabe gokoria rituko ase rituko. 11Amache orabe gokonywa naro goika arengwe, abe inse y’elita eyemo ase rituko erimo; naboigo orabe gokonywa rituko ase rituko. 12Oroisie endagera yao buna emegati y’esairi, oyeroiserie ase abanto baroche igoro y’omorero bw’obonyira obwomo bwa mwanyabanto.”
13Erio Omonene agateba, “Naboigo Abaisraeli bararie endagera etachenegeti ekero barabe bare ase egati y’abanto b’ebisaku biria ase ndabaserie gochia.”
14Erio nkamoiraneria, nkamotebia, “Yaya, Omonene Nyasae, Naama, inche tinana gwesoyia ase ogotacheneka; korwa obwana bwane goika bono iga, tinana koria enyama y’eng’iti ekwete enyene, gose eyeitire ne ching’iti chinde; enyama ende yonsi y’okogechia tiyana gosoa ase omonwa one.”
15Ase ayio Omonene agantebia, “Bono ninkoe ribaga okoroiseria endagera yao igoro y’omorero bw’obwoyo obwomo bwe chiombe ribaga ri’omorero bw’obonyira bwa mwanyabanto.”
16Naende Omonene agantebia, “Aye mwanyabanto, ngochia inde gokeyia endagera ase Yerusalemu. Nigo bararengerwe endagera bakoria, na bayerie bare nobwoba. Boigo goika barengerwe amache bakonywa, na bayanywe bare nomoichano. 17Ninkore ayio, erinde baborwe endagera na amache, na baichanerane omonto noyomwabo, na barabwo nigo bararee na kogireka ase engencho y’egesusuro ki’obobe bwabo.
Currently Selected:
EKEKIELI6 4: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
