EKEKIELI6 30
30
Omonene nae Abamisiri egesusuro
1Ring’ana ri’Omonene rigacha asende, rigantebia: 2“Aye mwanyabanto, bana otebe ng’a aya naro Omonene Nyasae agoteba: Eumie, morere:”
“Obee! Naki rituko eri rire?”
3“Rituko riria riaikire ang’e,
ee, rituko ri’Omonene riaikire ang’e.
Nigo rirabe rituko ri’amare,
engaki y’okogambigwa kw’abanto b’ebisaku.
4Omoro nochiche igoro ya Misiri,
na emechando emenene nebe aaria Etiopia,
ekero abanto ba Misiri baraitwe,
na obotenenku bwabo boirwe,
na amaroso ’ense eria naiyerigwe inse.”
5“Abanto ba Etiopia, na aba Libia, na aba Ludi, na abanto bonsi bagasang’anana amo, na aba Kubu, na abanto b’ense y’okobwatana; abwo bonsi mbaitwe nemioro, bakwe amo n’Abamisiri.
6“Aya naro Omonene agoteba: Abanto abwo bonsi abagokonya Abamisiri mbagwe, na okobua kwabo kw’obonene ngosirigwe; abanto mbaitwe nemioro ase ense eye korwa Migidoli goikera Siwene.#30:6 Siwene, rora 29:10 Nabo Omonene Nyasae atebire. 7Ense eyio nesarigwe ebe bosa ase egati ye chinse chinde chisaregete chikaba bosa, na emechie yaye nesarigwe ebe bosa ase egati y’emechie ende esaregete ekaba bosa. 8Erio ekero ndabe natongirie omorero agwo Misiri, na abakonyi baye bonsi basirigwe, barabwo mbamanye ng’a inche ninche Omonene.
9“Ekero rituko erio rirache, abatomwa mbarue asende, bariine chimeeri bagende Etiopia, baondokie abanto b’aroro, abwo batakagereti ng’a bobe bonde mbobanyore. Omoichano nobachere ase rituko riria ri’ogosirigwa kwa Misiri. Ee, rora, emechando eyio ngocha ere!
10“Aya naro Omonene Nyasae agoteba: Ninsirie obotenenku bwa Misiri goetera ase okoboko kwa Nebukadinesaro, omoruoti o Babeli. 11Omoruoti oyio amo nabanto baye, abanto abatindi mono goetania ab’ebisaku binde, mbarentwe basarie Misiri kegima. Nigo baraite abanto b’aroro nemioro, na ense eyio eichorwe nebitondo. 12Inche ninkamie chindooche chiome pa, na ng’oonie ense eyio ase amaboko ’abanto ababe. Nindete abanto b’ebisaku ebigeni basarie ense na kera egento kere imeo. Ninche Omonene nakwanire ayio.
13“Aya naro Omonene Nyasae agoteba: Ninsirie emegwekano egosasimwa, ee, ninsirie kegima chinyasae chi’oborimo chia Memifisi, gose omogambi takoba ase ense ya Misiri; ase igo nindete obwoba ase ense eyio. 14Ninsarie ense ya Patirosi esire ebe bosa, ninsambe Soani nomorero, na inachere omochie okorokwa No#30:14 No noro Tebesi ekina. 15Ning’umore ekeririanda kiane igoro y’omochie o Sini, oria ore obotamero obokong’u bwa Misiri; ninsirie emeganda ya No. 16Ninsambe Misiri nomorero; obororo obonge mboichanie Sini. No notagorwe ogwe inse, na Memifisi noumokerwe nababisa ekero kia mobaso. 17Abamura ba Oni, na aba Pi‐Beseti, mbaitwe nemioro, na abanto bande babo bairwe ase obosomba. 18Omosunte notube Tehafenehesi ekero ndabune rikorogoto ria Misiri, ne chinguru chi’obonene bwaye nchiere. Riire nditube Misiri, na abanto b’emechie yaye bairwe ase obosomba. 19Ase enchera eyio ninachere Abamisiri ekina; erio mbamanye ng’a inche ninche Omonene.”
Okobua kw’omoruoti o Misiri kwabunirwe
20Ase rituko ria gatano na kabere, omotienyi bwe ritang’ani, omwaka o ikomi nomo, ring’ana ri’Omonene rigacha asende, rigantebia: 21“Aye mwanyabanto, inche nabunete okoboko gwa Farao, omoruoti o Misiri; na rora, tikwana koboerwa ebitete kogwene, erinde kobe ne chinguru kobwate omoro naende. 22Ase ayio, aya naro Omonene Nyasae agoteba: Nigo inde mamincha ya Farao, omoruoti o Misiri, nimbune amaboko aye onsi, koria kore nechinguru amo na koria kwabunegete; ning’iyerie omoro korwa ase okoboko kwaye. 23Ninserie Abamisiri gochia ase ebisaku binde, mbasiarere gochia ase chinse ao ao. 24Ninkong’ie amaboko ’omoruoti o Babeli, mbeke omoro one ase okoboko kwaye, korende amaboko a Farao ninyabune, erinde achandeke ase obosio bw’omoruoti o Babeli, abe okona‐kweumia ore buna omonto oakire chingoma chikomoita. 25Ee, ninkong’ie amaboko ’omoruoti o Babeli, korende aya Farao naborwe chinguru. Erio mbamanye ng’a inche ninche Omonene. Ekero ndabeke omoro one ase okoboko kw’omoruoti o Babeli, ere nayorage gochia ase ense ya Misiri. 26Ninserie Abamisiri gochia ase ebisaku, mbasiarere gochia ase chinse ao ao. Erio mbamanye ng’a inche ninche Omonene.”
Currently Selected:
EKEKIELI6 30: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
