EKEKIELI6 19
19
Ogotera gw’okobokia amagombo
1Aye tera ogotera gw’okobokia amagombo igoro y’abagambi b’Abaisraeli, 2otebe:
“Nyoko naki arenge? Nigo arenge endo eaberi!
Nigo arenge korara na koramama ase egati ye chindo,
akaba okorera abana baye ase egati ye chindo chire ne chinguru.
3Endo eria eaberi egakinia emanwa yaye eyemo,
ero ekaba endo ere ne chinguru,
ekeorokereria gotwara,
ekaba ekoria abanto.
4Abanto b’ebisaku bakaigwa chinkuma chiaye;
bakayeremera eirima, ero ekagwa imeo,
bakayegobania nekegobanio, bakayeira Misiri.
5Ekero eng’ina yaganyete, na ogosemeria kwaye gokaera,
ekaimokia emanwa yaye ende,
ekayetuga ekaba endo ere nechinguru.
6Ero ekaba egotaara ase egati ye chindo,
ee, ekaba endo ere ne chinguru,
ekeorokereria gotwara,
nero ekaba ekoria abanto.
7Egatagora chiburi chiabo chinkong’u,
egasiria emechie yabo ekaba bosa.
Ekero endo eyio yarenge koruma,
ense yonsi ekaba egoichana amo nabanto bonsi bamenyeteo.
8Erio abanto b’ebisaku bakarua ase chinsemo chiabo,
bakeroberia ase okoyerwania,
bakayebekera ekeonga,
ero ekagwa ase eirima yabo ime.
9Bakayegobania nekegobanio, bakayebeka ase egesaisero,
bakayeira ase omoruoti o Babeli.
Aroro agwo bakayesiekera ase eburi enkong’u,
ng’a eriogi riaye tiribaisa koigweka ase ebitunwa bi’Abaisraeli.
10“Nyoko nigo arenge buna omosabibu ase egati y’emesabibu,
osimekire ase amache mbarabare,
Okaba okwama mono na okaba ne chinsagia chinyinge,
ekiagera osimegetwe ase amache amange are.
11Omosabibu oyio ogakinia chinsagia chinkong’u,
chiaisanete gokorwa chinyimbo chi’abagambi.
Ritina riaye rigatambea gochia igoro
ase egati ye chinsagia chiaye chinyinge mono.
Omote oyio okarorekana gochia aare ore ritutu rinene.
12Korende omosabibu oria ogasimorwa ase engencho y’endamwamu,
ogatugutwa inse;
omwaga okagusa korwa moocha, okayuomia;
amasabibu aye akang’urorwa korwao,
ritina riaye rikong’u rikoma,
rigasambwa nomorero rikaera.
13Bono omote oyio osimekirwe ase erooro,
ense enyomo etari namache.
14Omorero okarua ase chinsagia chiaye,
okagenderera gosamba amasabibu aye,
totigaretie orosagia rwaisanete koba enyimbo y’omogambi.
“Oko nakwo ogotera gw’okobokia amagombo koragenderere goterwa ase okobokia amagombo.”
Currently Selected:
EKEKIELI6 19: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
