EKEKIELI6 17
17
Omoreng’anio bw’ebiongo na omosabibu
1Ring’ana ri’Omonene rigacha asende, rigantebia: 2“Aye mwanyabanto, kwana omobayeno, otebie Abaisraeli omoreng’anio. 3Obatebie ng’a aya naro Omonene Nyasae agoteba: Ekeongo ekenene kiabwate chimbaba chinene, na amarionya e chimbaba chiaye namatambe, na omobere oye nigo otubire namarionya arenge nebieni ao ao, kegacha Lebanoni, gekabutora enkoro y’omocharake. 4Erio gekabutora nenkoro y’omote oria mesia, gekayeira gochia ase ense y’oboonchoreria, gekayebeka ase omochie bw’abaonchoreria. 5Naende gekaimokia embusuro y’ense eyio gekayesimeka ase riroba ritobu, gekayesimeka ase egati y’emete enga emesobeti ase amache amange arenge. 6Embusuro eria ekamera, ekaba omosabibu omweng’e orandete mono; emerande yaye ekaranda gochia ase ekeongo keria nemeri yaye, ekabeera ase giateneine. Ase igo ekaba omosabibu ore ne chinsagia na ebisebo.
7“Korende nkiarengeo ekeongo kende ekenene kiabwate chimbaba chinene, na amarionya amange. Korwa aase omosabibu oria osimekire okaroria emeri yaye gochia ase ekeongo keria, naende ogakumba chinsagia chiaye gochia ase kiarenge ng’a keyonyorere amache. 8Korende omosabibu oyio konya osimekirwe ase riroba ritobu, ase amache amange arenge, erinde onyare gosokia chinsagia, bwame amasabibu na obe omosabibu omuya.
9“Aye otebe ng’a aya naro Omonene Nyasae agoteba: Inee! Omosabibu oria nogenderere gokina buya? Togosimorwa amo nemeri yaye, na amasabibu aye ataborwe, otigwe okwoma? Ee, amato aye onsi nome. Tokogania chinguru chinyinge, gose abanto abange, ase okoyosimora amo nemeri yaye. 10Naama! Nonya osimekirwe naende, Inee, nogenderere gokina buya? Tokwoma kegima ekero omwaga okorwa moocha orayoguserere? Gose bwome kegima agwo ase osimekire?”
Engencho y’omoreng’anio oria
11Erio ring’ana ri’Omonene rigacha asende, rigantebia: 12“Boria egesaku eke getari koigwera: Timomanyeti engencho y’amang’ana aya? Batebie: Rora, omoruoti o Babeli nachete Yerusalemu, akaira omoruoti na abagambi b’aroro goika Babeli. 13Ere akaimokia omoiborwa bw’enyomba y’omoruoti, agakora okobwatana kw’ogotianania nere, na akamotebia arie eira y’ogwetiania, (Abanto b’ense eria baare nokobua akabaira 14ng’a oboruoti boria tiboba ne chinguru na kweimokereria igoro, korende okobwatana kw’ogotianania nere onye boganetie kogenderera:) 15Ere oyio agasaria okobwatana koria, agatoma abanto ase ense ya Misiri gosaba aegwe chibarasi na abarwani esegi abange. Inee! Omonto ogokora amang’ana buna ayio nasesenigwe? Natooreke? Omonto osaririe okobwatana kw’ogotianania natooreke?
16“Omonene Nyasae nigo agoteba iga: Ekeene, buna inche inde moyo, omoruoti oyio ochayire eira yaye atianete ase omoruoti o Babeli, oria omobegete akaba omoruoti, na osaririe okobwatana kwaye kw’ogotianania, oyio goika akwere aaria Babeli. 17Farao na abarwani baye b’esegi abange tibakonyara gokonya omoruoti oyio ase esegi, ekero chiburi chiraagachwe, amo ne chindwaki chi’okoboera ase ogosiria abanto abange. 18Takonyara gotooreka abe moyo, ekiagera achayete eira yaye atianete, na agasaria okobwatana kwaye kw’ogotianania.
19“Ase ayio, aya naro Omonene Nyasae agoteba: Ekeene, buna inche inde moyo, ekiagera achayete eira eria atianete asende, na agasaria okobwatana kwane kw’ogotianania, nimoakane ogokora kwaye komoiranere. 20Nimobekere ekeonga kiane, abwatwe ase oboreba bwane; erio imoire Babeli, na aroro agwo imonachere ekina ase engencho y’okomocha kw’ogotaba omwegenwa asende. 21Abarwani baye b’esegi abaratame mbaitwe nemioro, na abatigari mbasiarerwe gochia ase chinsemo chionsi chi’ense. Erio nario moramanye ng’a ninche Omonene nakwanire.”
Eira ya Nyasae y’ogosemeria
22Aya naro Omonene Nyasae agoteba:
“Nonya ninche nimbutore enkoro y’omocharake omotambe,
ee, nimbutore enkoro y’omote oria mesia egesebo ekerere,
inche omonyene ngesimeke ase egetunwa egetambe igoro.
23Ningesimeke igoro ase egetunwa egetambe ki’Abaisraeli,
na omote oria nosokie chinsagia na kwama amatunda,
obe omocharake omuya.
Chinyoni chia kera egesaku nchimenye ase chinsagia chiaye
na gokenderera ase ekiriri kiaye.
24Emete yonsi egokina korwa ase riroba nemanye ng’a ninche Omonene,
ninche ngokeyia emete emetambe,
naende nakinia eyere emieng’e.
Nigo nkwomia emete ere emebese,
naende nasebokia na koreeretia eyomire.
“Ninche Omonene nakwanire ayio, goika nyakore.”
Currently Selected:
EKEKIELI6 17: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
