EKEKIELI6 15
15
Omoreng’anio bw’omosabibu
1Ring’ana ri’Omonene rigacha asende, rigantebia: 2“Aye mwanyabanto, Inee, naki omote bw’omosabibu nobuete emete ende yonsi, ase ogotogigwa, gose orosagia rw’omosabibu rore ase egati y’emete ende ere rinani? 3Inee! Omote oyio nonachwe okorerwe moremo onde? Gose abanto mbaroisie egekongo korwa ase omote oyio basungere egento kende gionsi. 4Nigo okoba chinko orutwa riko. Ekero omorero osambire chinsinyo chiaye chionsi, na obogati bwaye bwarurirwe, Inee, bono moremo ki orakorerwe? 5Naama! Ekero omosabibu oyio orenge omogima togwenerete gokorerwa moremo onde bwensi, bono ekero oire na korurwa nomorero, moremo ki orakorerwe?
6“Ase ayio, aya naro Omonene Nyasae agoteba: Buna omote bw’omosabibu ore ase egati y’emete ende ere ase rinani orauterwe omorero oyie, naboigo ndatugute abanto ba Yerusalemu. 7Nigo ndababee; nonya bagochia gotooreka korwa ase omorero, naende omorero noro orabasirie. Erio nario moramanye ng’a inche ninche Omonene, nababeeire. 8Ninsirie ense eyio ebe bosa, ekiagera bakorire aya atari ay’obwegenwa. Nabo Omonene Nyasae atebire.”
Currently Selected:
EKEKIELI6 15: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
