EKEKIELI6 11
11
Yerusalemu okogambigwa
1Omoika okanyimokereria igoro, okang’ira ase egeita ki’enyomba y’Omonene kiarochie moocha. Na rora, agwo ase egesieri ki’egeita mbarengeo abasacha emerongo ebere, na batano, na ase egati yabo nkarora Yasania, mosinto bw’Asuri, na Peletia, mosinto o Benaya, abwo barenge abagambi b’abanto.
2Omonene agantebia, “Aye mwanyabanto, abanto aba nabwo bagokora emeroberio y’ogokora ebibe na korua ogosemia kw’ogokora amabe ase omochie oyo. 3Barabwo nigo bagoteba ng’a engaki teraika ang’e tokoagacha chinyomba; omochie oyo nenyanyeni ekoiyeka, na intwe nechinyama. 4Ase ayio, aye mwanyabanto, bana ayare mamincha, yabo; ee babanere.”
5Omoika bw’Omonene ogacha igoro asende, ogantebia, “Batebie ng’a aya naro Omonene agoteba: Inwe Abaisraeli, naboigo mogokwana; inche nigo imanyete ayare ase chinkoro chiaino ime. 6Mwaitire abanto abange goetania, ase omochie oyo, mwaichoirie chinchera chiaye nebitondo.
7“Ase ayio, aya naro Omonene Nyasae agoteba: Abwo mwaitire baraire ase omochie ime nabwo chinyama, na omochie oyo noro enyanyeni ekoiyeka; korende inwe abanyene nimbasokie korwa ase omochie oyo. 8Inwe nigo moirogete ogoitwa nemioro, nindete emioro ebaite. Nabo Omonene Nyasae atebire. 9Nimbarusie ase omochie oyo, mbabeke ase amaboko ’abanto abaao, na mbanachere ekina. 10Inwe imoitwe nemioro. Nimbanachere ekina agwo ase ribebe ri’Abaisraeli. Erio momanye ng’a inche ninche Omonene. 11Omochie oyo tori gochia koba buna enyanyeni asemore, na inwe timori koba chinyama ime yaye; inche nimbanachere ekina agwo ase ribebe ri’Abaisraeli. 12Erio momanye ng’a inche ninche Omonene. Inwe mwangire kobwatia emeroberio yane echikire, gose timori gokora aya nachikire, korende nigo mogokora koreng’ana namachiko ’abanto b’ebisaku ebio bibaetanaine.”
13Ekero nagendererete kobana, Pelatia, mosinto o Benaya, agakwa. Erio ngatung’ama inse nkaumama, nkarera neriogi rinene, nkabora, “Aye Omonene Nyasae, Inee, nigo ogochia goita osirie kegima abatigari b’Abaisraeli?”
Eira ya Nyasae ase abooswa
14Ring’ana ri’Omonene rigacha asende, rigantebia, 15“Aye mwanyabanto, abanto bamenyete Yerusalemu nigo bagokwana igoro y’abanto bamino ab’egesaku kiao, ee, igoro y’Abaisraeli bonsi, bagoteba: Barabwo nigo bare aare korwa ase Omonene, ense eye nintwe twaeirwe ebe eyaito.
16“Ase ayio obatebie ng’a aya naro Omonene Nyasae agoteba: Nonya nabaseririe gochia aare ase egati y’abanto b’ebisaku na kobasiarera gochia ase chinse chionsi, inche omonyene nabeire inde obomenyo bwabo obochenu ase engaki eyio enke, agwo ase chinse echio baseretigwe gochia.
17“Ase ayio obatebie ng’a aya naro Omonene Nyasae agoteba: Nimbasangererie korwa ase abanto b’ebisaku, na korwa ase chinse echio ase nabasiarerete gochia, erio mbairanie inwe Abaisraeli, mbae ense yaino. 18Ekero barabe bairanire ase ense eyio, mbatugute korwa aroro emegwekano egosasimwa ey’obosooku, na okogechia gwonsi. 19Ekero ekio nimbae enkoro eyemo, naende mbeke omoika omoyia ime yabo. Nindusie korwa asebare chinkoro chire chinkong’u buna rigena, erio mbae echire chinyororo buna chinyama. 20Erio nario barabwatie emeroberio yane echikire, babwatie na amachiko aane na koyaigwera. Barabwo mbabe abanto baane, na inche nimbe Nyasae obo. 21Korende abanto abwo chinkoro chiabo chikobwatia emegwekano y’obosooku bagosasima, na okogechia, nimbaakane ogokora kwabo kobairanere.” Nabo Omonene Nyasae agoteba.
Obonene bwa Nyasae bogotiga Yerusalemu
22Erio abakerubi bakarambora chimbaba chiabo, na amagoro arenge mbarabare yabo; na obonene bwa Nyasae bw’Abaisraeli bokaba igoro yabo. 23Erio obonene bw’Omonene bokaimokerera igoro korwa ase omochie oria, bokagenda bogatenena igoro ase egetunwa kere moocha y’omochie. 24Ase okorora naetwe, Omoika o Nyasae okanyimokereria igoro, okang’ira ase ense y’Abakalidayo, ase abanto abwo boosetwe barenge. Nyuma y’ayio okorora koria naroche gokarua asende. 25Erio ngatebia abanto abwo bonsi boosetwe amang’ana onsi aya Omonene konya anyorokirie.
Currently Selected:
EKEKIELI6 11: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
