OKOIRANERERA 9
9
Abanto bakwanga koigwera
1“Inwe Abaisraeli, tegerera moigwe! Ase rituko ria rero mwabeire ang’e kwamboka Yorodan kogenda koira ense y’ebisaku bire ebinene mono, naende bire ne chinguru kobabua. Emechie yabo nemenene, naende egiteire chindwaki chintambe gochia igoro. 2Abanto bakareo nabanene, naende nabatambe, abanto b’ororeria rw’Anaki mwabeire mokoigwa chinkuma chiabo, bagokwanwa: Ning’o oranyare kobua Abaanaki? 3Ase ayio manya bono ng’a Omonene, Nyasae oino, oyorabatang’ane inwe, nigo are buna omorero ogosamba. Ere nasirie abanto baria na kobabeka inse yaino, erio nario moranyare kobaseria na kobaita bwango ara rimo rioka, buna abarierete inwe eira. 4Ekero Omonene, Nyasae oino, arabe oseririe abanto abwo korwa ase amasio aino, timobaisa gokwana ase chinkoro chiaino ime: Oboronge bwaito nabwo bwagera Omonene agatorenta toire ense eye. Taibo! Korende Omonene nigo araserie abanto abwo barue ase amasio aino, ase engencho y’obobe bwabo. 5Inwe timori gochia koira ense eria yabo ekiagera more abanyene oboronge, gose ab’ekeene ase chinkoro chiaino. Taibo! Korende obobe bw’ebisaku ebio nabwo bwagerire Omonene, Nyasae oino, arabaserie korwa ase amasio aino, crinde anyare goikerania eira ariete na gotiana ase chisokoro chiaino, Ibrahimu, na Isaka na Yakobo. 6Ase ayio mobe nobomaene ng’a Omonene, Nyasae oino, tari gochia kobaa ense eria engiya ekiagera more abanyene oboronge. Taibo! Inwe nigo more abanto abanyabigoti bikong’u.
7“Moinyore, timobaisa kweba buna mwagerete Omonene, Nyasae oino, akaba nendamwamu agwo ase erooro. Korwa ase rituko riria mwaruete ase ense ya Misiri, goika ekero mwaigete aase aiga, mwabeire motari koigwera Omonene. 8Nonya nekero mwarenge agwo Horebu, mokagera Omonene akaba nendamwamu enene, ere akebeka ang’e kegima kobasiria. 9Ekero inche natiirete gochia ase egetunwa igoro koegwa chibao chiria chi’amagena chiarikire okobwatana kw’ogotianania koria Omonene akorete nainwe, nkagenderera kobeera ase egetunwa igoro ase amatuko emerongo ene, omobaso na obotuko, tinare koria kende, gose konywa. 10Omonene akang’a chibao chiria ibere chi’amagena Nyasae arigete nekiara kiaye. Nigo chiarikire amang’ana onsi Omonene konya akwanire nainwe agwo ase egetunwa korwa ase egati‐gati y’omorero, ekero mwasangererekanete aroro. 11Ase omoerio bw’amatuko aria emerongo ene, omobaso na obotuko, Omonene akang’a chibao chiria ibere chi’amagena echio chiarikire okobwatana kw’ogotianania.
12“Erio Omonene agantebia: Imoka otirimboke bwango korwa aiga ase egetunwa, ekiagera abanto abwo kwang’anyetie korwa ase ense ya Misiri bakorire ebibe. Baonchokire bwango, batigire enchera eria nabachigete kobwatia. Beroiseirie omogwekano bw’ogosasimwa onyititoire na kobombwa.
13“Boigo Omonene agakwana nainche, agantebia: Narorire abanto aba ng’a nabanyabigoti bikong’u. 14Tobaisa goteema gontanga, ntige imbasirie naende intinyie amarieta abo, nimbakore bebwe kegima, tibabaisa koinyorwa ase ense, erio ngokore aye obe egesaku ekenene, naende kere ne chinguru kobabua.
15“Nkairana, ngatirimboka korwa ase egetunwa imbogoretie ase amaboko aane abere chibao chiria ibere chi’amagena chiarikire okobwatana kw’ogotianania. Egetunwa keria nigo kiarenge gwoka omorero. 16Erio nkarora ng’a mwakorire ebibe ase Omonene, Nyasae oino: konya mweroiseirie omogwekano bw’emori onyititoire na kobombwa, na mwaonchokire bwango, mwatigire enchera eria Omonene abachigete mobwatie. 17Nkabwata chibao chiria ibere chi’amagena ase amaboko aane, ngachiakera inse, ngachiatera agwo ase amasio aino. 18Erio naende nkarara maumama ase obosio bw’Omonene buna agwo ritang’ani, ase engaki y’amatuko emeronge ene, omobaso na obotuko. Tinabete nkoria kende gose konywa, ase engencho y’ebibe bionsi inwe konya mwakorire, ase ogokora amabe ase obosio bw’Omonene, mokamogechia goika akaba nendamwamu. 19Nigo nabete nobwoba obonene ase engencho y’endamwamu entindi Omonene abete nero asemore, ekiagera nigo agechetigwe mono, goika akaba ang’e kobaita. Korende nonya nase engaki eria Omonene akanyigwa. 20Omonene nigo abete nendamwamu enene ase Haroni boigo, akaba ang’e komoita, korende ase engaki eria eria nkamosabera Haroni. 21Nkabogoria egento keria ki’ebibe, emori eria konya mwaroisirie, nkayesamba nomorero, nkayesunyunta, nkayesia ekaba orotu. Ngatuguta orotu orwo ase akarooche ’karenge gotirimboka korwa ase egetunwa keria.
22“Boigo naende mwagerete Omonene akaba nendamwamu ekero mwarenge agwo Tabera, na Masa, na Kibiroti‐Hatawa. 23Na ekero Omonene abatomete korwa Kadeshi‐Barinea akabatebia: Genda moire ense eria nabaeire, korende inwe mogasaria timwaigwera ogochika kw’Omonene, Nyasae oino; timwamwegenete gose koigwera eriogi riaye. 24Ee, korwa nachagete kobamanya, mwabeire motari koigwera Omonene.
25“Ase igo nkarara maumama ase obosio bw’Omonene ase engaki y’amatuko emerongo ene, omobaso na obotuko, ekiagera Omonene nigo atebete ng’a goika abasirie. 26Ngasaba Omonene,” ngakwana, “Aye Omonene Nyasae, tobaisa goita abanto bao aba bare omwando oo, aba gwatooretie ase okobua kwao okonene, aba kwarusetie korwa ase ense ya Misiri nokoboko kwao kore ne chinguru. 27Inyora abasomba bao, Ibrahimu, na Isaka, na Yakobo; tobaisa kobarera abanto aba ogotaigwera kwabo gose obonyaka bwabo, gose ebibe biabo. 28Abamisiri nigo barabaise gokwana: Omonene nigo asinyetwe kobaira na kobaikia ase ense eria konya arire eira ng’a abayee, naende nigo abagechete, nakio kiagerete akabarusia aiga, erinde agachia kobaitera agwo ase erooro. 29Aba nabanto bao, na omwando oo, aba kwang’anyetie ne chinguru chinene, na ase okoboko kwao koramboire.
Currently Selected:
OKOIRANERERA 9: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
