OKOIRANERERA 23
23
Ogoserigwa korwa ase abanto b’Omonene
1“Omosacha ogombairie, gose ekiimo kiaye ki’obosacha kebutogete, tabaisa gosoa ase omosangererekano bw’Omonene.
2“Ekerentane, gose omonto bw’ororeria rwaye, nonya ngoika ekiaare gia ikomi, tabaisa gosoa ase omosangererekano bw’Omonene.
3“Abaamori, gose Abamoabu, gose ororeria rwabo, nonya ngoika ekiaare gia ikomi, tibabaisa gosoa ase omosangererekano bw’Omonene nonya ng’ake. 4Barabwo tibabarototete na kobarentera endagera na amache ekero mwarenge ase orogendo korwa Misiri, naende nigo barangeretie Baalamu, mosinto o Beori, korwa Petori ya Mesopotamia achiche kobaragereria inwe. 5Nonya naboigo Omonene, Nyasae oino, taigwerete Baalamu, korende akaonchora okoragereria koria gokaba ogosesenigwa asemore, ekiagera Omonene, Nyasae oino, nigo abanchete. 6Ase amatuko aino onsi more moyo, timobaisa kobarigeria omorembe, gose ogosesenigwa.
7“Timobaisa gochaya Abaedomu, barabwo nabanto bamino; gose timobaisa gochaya Abamisiri, ekiagera inwe agwo kare nao mwarenge abamenyi ase ense yabo. 8Abanto b’ekiaare kia gatato ase ororeria rwabo, bancherwe basoe ase omosangererekano bw’Omonene.
Okorenda egetwori ki’abarwani b’esegi kebe gechenegete
9“Ekero morabe mokogenda korwania ababisa baino, na momenyete ase egetwori, mwerende mono korwa ase kera egento getachenegeti. 10Onye omonto ase egati yaino obeire oyotachenegeti ase ogosokia embusuro yaye y’oroiboro botuko, oyio asoke gochia isiko y’egetwori; tabaisa gosoa ime aroro.
11“Ekero kia mogoroba, esibie omobere namache, na ekero bwairiire kegima asoe ase egetwori.
12“Mochore aase isiko y’ebitwori ase mogochia gwekonyera. 13Mobe mokoimokia chinyimbo amo nebirwanero biaino; ekero mogochia rosana agwo isiko y’ebitwori, mokunye chingoro ne chinyimbo chiria, na ekero mwekonyire motube obonyira namaroba. 14Ebitwori biaino goika bibe ebichenu, ekiagera Omonene, Nyasae oino, nigo agotaara ase ebitwori biaino, erinde abakonye, na abeke ababisa baino ase amaboko aino. Omonene tabaisa korora obonyinyeru asemore; aise koborora, nigo arabatige.
Amachiko are ao ao
15“Onye omosomba otamire korwa ase omonene oye, ochire asemore, timobaisa komoirania gochia ase omonene oye naende. 16Motige amenye amo nainwe ase omochie arachore, oyio oramogokie agwo ase emechie yaino. Timobaisa komokorera bobe.
17“Onde taba ase Abaisraeli, omokungu gose omosacha, okwebeka ase obonyaka bwe chihekalu. 18Timobaisa korenta ase enyomba y’Omonene, Nyasae oino, chibesa chikonyorekana korwa ase obonyaka bw’abakungu, gose obw’abasacha banga buna chisese, ase ogoikerania chiira. Chibesa chikonyorekana korwa ase chinchera echio nigo chire okogechia ase Omonene, Nyasae oino.
19“Ekero okoa omonto bw’egesaku kiao chibesa singo, gose endagera, gose gento kende gionsi, tobaisa komoboria ebitoki ekero agokoiraneria egento keria airete singo. 20Nonyare gosaba ebitoki korwa ase omonto omomenyi kwaete singo, korende tari korwa ase omonto omino Omoisraeli. Koraigwere amang’ana ayio, rirorio Omonene Nyasae oino, nagosesenie ase ense eria mogochia koira ebe eyaino.
21“Ekero okoria eira ase Omonene, Nyasae oo, goika oikeranie eira eyio. Otayeikeraneti nigo Omonene arakobarere ebibe ebio. 22Korende koratige koria eira, tokobarerwa ebibe ase ayio. 23Orende mono, oikeranie egento gwakwanete nomonwa oo, ekiagera nigo kwariete eira y’ogwancha ase Omonene, Nyasae oo.
24“Ekero ogoeta ase omogondo bw’emesabibu bw’omogisangio oo norie amatunda ’emesabibu goika oigote, korende totwa nonya nerimo obeke ase esaro yao na koriira. 25Ekero orabe kogoeta ase omogondo bw’omogisangio oo ore nendagera eteneine, notabore ebigara nokoboko kwao obunge otakune chinyeke, korende tobaisa kogesa nomoyio oo ore enkuro endagera yaye eteneine.
Currently Selected:
OKOIRANERERA 23: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
