1 SAMWELI 31
31
Ogokwa gwa Saulo na okw’abamura baye
(1 Am ’Eb 10:1–12)
1Abafilisti bakarwania Abaisraeli, na Abaisraeli bagatama korwa asebare, bagaiterwa ase egetunwa kia Giliboa 2Abafilisti bakabwatia Saulo mono, na abamura baye, bagaita Yonathani, na Aminadabu, na Maliki‐Sua, abamura ba Saulo. 3Esegi ekaba entindi mono igoro ya Saulo; abaruti emegwe bakamoromereria mono; ere akabwatwa nomoondoko omonene ase engencho ya barabwo. 4Erio Saulo agatebia omonto oria omobogoreretie ebirwanero, “Somora omoyio, ombete nkwe, erinde abanto aba batarogeti tibabaisa kong’ita na gonchecheria.” Korende omonto oria akaanga, ekiagera abete nobwoba obonene. Erio Saulo agasomora omoyio oye omonyene, akegweria ase omoyio oyio bweka omonyene. 5Ekero omobogoria ebirwanero aroche ayio, nere akegweria ase omoyio oye, agakwa amo na Saulo. 6Nabo Saulo, na abamura baye batato, na omobogoria ebirwanero, amo nabanto baye bonsi, baitetwe ase rituko erio erimo. 7Ekero Abaisraeli abwo barenge ensemo ende ase ense omweremo, na abwo narenge moocha ya Yorodan baigwete ng’a Abaisraeli konya batamire, na ng’a Saulo na abamura baye bakure, bagatiga emechie yabo bagatama. Erio Abafilisti bakagenda bakamenya ase emechie eyio.
8Rituko ria kabere ekero Abafilisti bachete konuura ebinto korwa ase emebere y’abanto bakwete, bakanyora Saulo na abamura baye batato bakwete agwo ase egetunwa kia Giliboa. 9Abafilisti bakabutora omotwe o Saulo, bakaira na ebirwanero biaye, erio bagatoma abanto bararie amang’ana ayio ase ense yonsi y’Abafilisti, ase hekalu y’emegwekano yabo bagosasima, na ase abanto. 10Erio bakabeka ebirwanero biaye ase enyomba y’Asitaroti, enyasae yabo enkungu, na omobere oye bakayotonga ase orwaki rwa Beti‐Sani.
11Ekero abanto bamenyete Yabesi o Gileadi baigwete aya Abafilisti bakorete ase Saulo, 12abanto bonsi chituoni bakaimoka, bakagenda ase obotuko obogima, bakarusia omobere o Saulo, na ey’abamura baye, korwa ase orwaki rwa Beti‐Sani, bakayerenta Yabesi, bakayesambera aroro. 13Erio bakabogoria amauga abo, bakayatindeka inse y’omote onga buna ekerachuoki agwo Yabesi, bakeng’ata ase engaki y’amatuko atano na abere.
Currently Selected:
1 SAMWELI 31: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
