1 SAMWELI 27
27
Daudi ogochia komenya amo n’Abafilisti
1Daudi akarengereria ase enkoro yaye, akabora, “Rituko erimo ning’itwe na Saulo. Egento kerabe ekiya mono asende nogotama korwa aiga na kogenda ase ense y’Abafilisti. Erio nario Saulo ararusie moyo, tana kondigia naende aa ase chingongo chi’Abaisraeli, na nintooreke korwa ase okoboko kwaye.” 2Ase igo Daudi akaimoka amo nabanto baye amagana atano na rimo, akagenda ase Akisi, mosinto o Maoki, omoruoti o Gati. 3Daudi amo nabanto baye bakamenya amo n’Akisi agwo Gati. Kera omonto nigo amenyete amo nabanto b’eamate yaye, na Daudi amo nabakungu baye babere, Ahinoamu korwa Yesireeli, na Abigaeli korwa Karimeli, oyio Nabali atigete ore omoboraka. 4Ekero Saulo atebetigwe ng’a Daudi konya otamire gochia Gati, tagendete komorigia.
5Erio Daudi agatebia Akisi, “Onye nanyorire ogwancherwa ase obosio bwao, koranche ong’e aase nkomenya ase omochie ore isiko korwa ase omochie oo. Tari buya asende, omosomba oo, ngenderere komenya ase omochie omonene bw’oboruoti amo naye?” 6Ase ayio, ase rituko riria Akisi akaa Daudi Sikilagi. Ase engencho eyio omochie oyio o Sikilagi nigo ore oyo bw’abaruoti b’Abayuda goika rero iga. 7Daudi akagenderera komenya ase ense y’Abafilisti ase engaki y’omwaka oyomo na emetienyi ene.
8Ase engaki eyio Daudi na abanto baye bakaba bakogenda korwania Abagesuri, na Abagirisi, na Abaameleki. Abwo nigo barenge ababiare b’ense eyio korwa kare; nigo bamenyete goika Suri na goika orobebe rw’ense ya Misiri. 9Daudi akaba okorwania ense eyio na goita abanto bonsi pi, abasacha na abakungu; agasakora ching’ondi, ne chiombe, ne chitigere, ne chingamia, akaira ne chianga. Erio aba okoirana gochia ase Akisi. 10Ekero Akisi arenge koboria Daudi, “Insemo ki gwachiete korwania rituko ria rero?” “Daudi aba okomoiraneria,” “Ense ya Irianyi ere ey’Abayuda,” gose “Ense ya Irianyi ere eya Yerameeli,” gose “Ense ya Irianyi ere ey’Abakeni,” 11Daudi tarenge gotiga nonya nomonto oyomo, omosacha gose omokungu, ore moyo, ekiagera nigo arengereretie ng’a onde tabaisa kogenda Gati atebe ng’a, “Aya naro Daudi agotokorera.” Naboigo yarenge engencho ya Daudi ekero agendererete komenya ase ense y’Abafilisti. 12Ase ayio Akisi akegena Daudi mono, akarengereria, “Bono Daudi okorire Abaisraeli bamwabo bamogeche kegima; ase igo ogenderere koba omosomba one botambe.”
Currently Selected:
1 SAMWELI 27: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
