1 SAMWELI 28
28
1Ase engaki eyio Abafilisti bagasangereria abarwani babo amo, erinde barwanie Abaisraeli, na Akisi agatebia Daudi, “Goika omanye ng’a aye amo nabanto bao nigo mogochia kondwanesia esegi.”
2Daudi akamoiraneria, “Ayio mbuya kegima; aye nomanye egento inche, omosomba oo, ndakore.”
Akisi agatebia Daudi, “Ningokore obe omorendi bw’obogima bwane kogenderera botambe.”
Saulo okogenda ase omokungu korigia ogosemigwa korwa ase emeika y’abanto bakure
3Bono Samweli konya okure, na Abaisraeli bonsi konya bamoreereire, bamotindekire ase omochie oye Rama. Boigo Saulo konya oseririe abanto barenge koboria amang’ana korwa ase emeika y’abanto bakure, amo nabaringoria bonsi.
4Abafilisti bagasangererekana, bagatoora agwo Sunemu; Saulo nere agasangereria Abaisraeli bonsi amo, nabarabwo bagatoora agwo Giliboa. 5Ekero Saulo aroche abarwani b’Abafilisti agasogwa nomoondoko, na enkoro yaye ekaiguswa mono. 6Saulo akaboria komanya korwa ase Omonene, korende Omonene tamoiraneretie gento kende, nonya goetera ase chindoto, gose goetera ase Urimu, gose goetera ase ababani. 7Erio Saulo agatebia abasomba baye, “Indigererie omokungu okoboria amang’ana korwa ase emeika y’abanto bakure, nimochiere, ndigie ogosemigwa korwa asare.”
Abasomba baye bakamoiraneria, “Naama! Agwo Eni‐Dori omokungu buna oyio nareo.”
8Erio Saulo agekona, akabeka chianga ching’ao, akagenda amo nabanto bande babere, bagaika ase omokungu oyio botuko. Saulo agatebia omokungu oria, “Indagore ase omoika, ondetere omonto oria ndatore erieta riaye asore.”
9Omokungu oria akamoiraneria, “Amaene, aye nomanyete aya Saulo akorire, buna asiririe korwa ase ense eye abakungu abakoboria emeika y’abanto bakure amo nabaringoria bonsi. Nase ki rende okombeka ase oboreba, mbwatwe na gokwa?”
10Erio Saulo agatiana ase engencho y’omokungu oria, agateba, “Ekeene, buna Omonene are moyo, aye tokonyora egesusuro ase engencho y’amang’ana ayio.”
11Omokungu oria akamoboria, “Ning’o oganetie nkorangererie arorekane?”
Saulo akamoiraneria, “Indangererie Samweli.”
12Korende ekero omokungu oria aroche Samweli, agakuura neriogi rinene agatebia Saulo, “Nase ki kwang’aina? Aye n’Saulo.”
13Omoruoti oria akamotebia, “Tibwoboa! Ninki kwarora?”
Omokungu oria akamoiraneria, “Narorire enyasae egotiira korwa riroba inse.”
14Saulo akamoboria, “Naki ekerorekana?”
Omokungu oria akamoiraneria, “Nomogaaka omogotu bwetubete egetambaa gi’okwambara.”
Erio Saulo akamanya ng’a oyio n’Samweli, agatung’ama inse, akaorokia amasikani.
15Samweli akaboria Saulo, “Nase ki gwanchandire okondeta korwa ase omotimoko one.”
Saulo akairaneria, “Inche nigo nchandegete mono; Abafilisti nkondwania bare esegi, na Nyasae onyangire, tari kong’iraneria, goetera ase ababani, gose ase chindoto. Ase ayio nigo nakorangeirie, erinde ontebie eki ndakore.”
16Samweli akairaneria, “Nase ki okomboria inche, onye Omonene okwangire na obeire omobisa oo? 17Omonene ogokoreire ayio akwanete goetera asende; okourire oboruoti korwa ase amaboko ao, oboeire omonto omoao, nere Daudi. 18Tikwaigwerete eriogi ri’Omonene, gose goikerania egesusuro ki’endamwamu yaye entindi igoro y’Abaameleki. Ekio nakio kiagera Omonene akorire amang’ana ayio asore rero iga. 19Boigo Omonene nache abeke Abaisraeli amo naye ase amaboko ’Abafilisti. Ankio aye amo nabamura bao moche kobeera amo nainche, na Omonene nache abeke abarwani b’esegi b’Abaisraeli ase amaboko ’Abafilisti.”
20Erio agwo Saulo agaaka inse, akarambereria ore nobwoba obonene ase amang’ana ayio a Samweli. Chinguru chikamoerera kegima, ekiagera tariete kende ase omobaso bwonsi na obotuko boigo. 21Erio omokungu oria akamochera Saulo akarora ng’a osoirwe nomoondoko, akamotebia, “Rora inche omosomba oo omokungu nigonakoigwera na tinaegerete obogima bwane, nakora buna kwaganetie. 22Gaki bono koranche inyigwe inche omosomba oo omokungu, tiga nkorentere endagera orie, erinde onyore chinguru, ogenderere norogendo rwao.”
23Ere akaanga, akabora, “Tinganeti koria,” korende abasomba baye amo nomokungu oria bakamosorora goika akaigwera amang’ana abo. Erio akaimoka korwa inse agwo, agaikaransa borere. 24Omokungu oria nabwate emori enoru nka bwoye, akayenyenya bwango. Boigo akaimokia obosie, akabokonya, agakora emegati etabekiri memera, akayegekera. 25Erio akarenta endagera eyio ase Saulo na abasomba baye, nabarabwo bakayeria. Nyuma y’ayio bakaimoka, bakagenda ase obotuko obwo.
Currently Selected:
1 SAMWELI 28: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
