भजन संहिता 28
28
बिनती ते शुक्र
दाऊदेरू भजन
1हे यहोवा, अवं तींए कां बिनती केरेलो;
हे मेरी चट्टान, मेरी प्राथना शुन्तां अनशुनी न केर,
एरू न भोए कि तेरे च़ुप राने सेइं
अवं कब्री मां पुज़ोरां केरो ज़ेरो भोइ गेईं, ज़ैना पाताले मां गातन।
2ज़ैखन अवं तीं कां बिनती केरि,
ते तेरे पवित्र ठारारी एन्त्री हिस्सेरे
ते अपने हथ खड़े केरेलो,
तैखन मेरी बिनती शुन।
3तैन दुष्टां ते अनर्थ केरनेबालन सेइं न घसीट;
ज़ैना अपने पड़ोसन सेइं गल्लां त मेल मिलापेरी केरतन,
पन दिले मां बुराई रखतन।
4तैन केरे कम्मां केरे ते केरनरे बुरैइारे
मुताबिक तैन सेइं बर्ताव केर,
तैन केरे हथ्थां केरे कम्मां केरे मुताबिक तैन बदलो दे;
तैन केरे कम्मां केरो बदलो तैन दे।
5किजोकि तैना यहोवारे कम्मन
ते तैसेरे हथ्थेरे कम्मन न समझ़न,
एल्हेरेलेइ परमेशर तैन बिछ़ोड़ेलो ते फिरी खड़ो न केरेलो।
6यहोवा धने;
किजोकि तैने मद्दतरे लेई मेरी बिनती शुनोरीए।
7यहोवा मेरी ताकत ते मेरी ढाले;
तैस पुड़ भरोसो रखने सेइं मेरे मने मद्दत मैलतीए;
एल्हेरेलेइ मेरो दिल खुशे;
ते अवं गीत ज़ोइतां तैसेरू शुक्र केरेलो।
8यहोवा अपने लोकां केरि शक्तिए,
तै अपने अभिषिक्तेरे लेई मुक्तरू मज़बूत गढ़े।
9हे यहोवा अपने लोकन मुक्ति दे,
ते अपने विरासतरे लोकन बरकत दे;
ते तैन केरि पुहाली केर ते सदा तैन सुमैलतां रा।
Currently Selected:
भजन संहिता 28: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
