भजन संहिता 27
27
विश्वासेरू एलान
दाऊदेरू भजन
1यहोवा मेरी लौ ते मेरी मुक्ति आहे;
अवं कैस करां डेरि?
यहोवा मेरे ज़िन्दगरो मज़बूत क़िलो ठहरोरोए,
अवं कैस करां डेरि?
2ज़ैखन बुरे लोक ज़ैना मीं सताते
ते मीं सेइं बैर रखते थिये,
ते मीं मारनेरे लेई कोशिश की,
तैखन तैन्ना ठोकर खेइतां बिछ़ड़ी जे।
3चाहे सेना भी च़ेवरे पासन घेरो की न दे,
फिरी भी अवं न डरेलो; चाए मेरे खलाफ जंग की न भोए,
तैस हालती मां भी मेरो भरोसो परमेशरे पुड़ पक्को भोल्हो।
4अक बर मीं यहोवा करां मगोरूए,
तैसेरे लेई कोशिश केरतो रेइलो;
कि अवं ज़िन्दगी भर यहोवारे भवने मां रेईं सेकी
ज़ैस सेइं यहोवारी महिमा पुड़ नज़र लेइतां रेखी,
ते तैसेरे भवने मां ध्यान केरतो रेईं।#भज. 6:8;23:6;फिल. 3:13.
5किजोकि मुसीबतरे दिहाड़े तै मीं
अपने भवने मां बिशने देलो;
ते मीं अपने तेम्बु मां छ़पने देलो,
ते मीं चट्टानी पुड़ च़ाढ़ेलो।#भज. 91:1;40:2;138:7.
6हुनी मेरी क्रोड़ी मेरे च़ेवरे पासां केरे दुश्मन्न करां उच्ची भोल्ही;
ते अवं यहोवारे तेम्बु मां आनन्देरे बलिदान च़ाढ़ेलो;
ते अवं गीत ज़ोलो ते यहोवारी तारीफ़ केरेलो।#भज. 3:3.
7हे यहोवा, मेरि आवाज़ शुन, अवं बिनती केरेलो,
तू मीं पुड़ दया केर ते मीं जुवाब दे।#भज. 130:2-4;13:3.
8तीं ज़ोवरूए, “मेरे दर्शनेरे तोपी मां राथ।”
एल्हेरेलेइ मेरो मन तीं सेइं ज़ोते,
“हे यहोवा, अवं तेरे दर्शनेरो तलाशी मां रेइलो।”
9अपनु तुत्तर मीं करां न छ़ुपा।
अपने दासे क्रोध केरतां न हटा,
तू मेरो मद्दत केरनेबालो बनोरो रा।
हे मेरे मुक्ति देनेबाले परमेशर मीं करां दूर न भो, ते मीं न शार!
10मेरे अम्मा-बाजे त अवं शारोरोईं,
पन यहोवा मेरो खियाल रखेलो।
11हे यहोवा, अपने बत्ती पुड़ च़लनू मीं शिखाल,
ते मेरे दुश्मना केरे वजाई सेइं मीं खुल्ली बत्ती पुड़ च़ला।#भज. 5:8.
12मीं मेरे सताने बालां केरि इच्छाई पुड़ न शार,
किजोकि झूठे गवाह ज़ैना ज़ुलम केरनेरी धुनी मां आन
मेरे खलाफ खड़े भेवरेन।
13अगर मीं विश्वास न भोथो कि अवं ज़ींतां केरि
धेरती पुड़ यहोवारी भलियाई हेरेलो,
त अवं बेहोश भोइ गाथो।#भज. 142:5.
14यहोवारे इंतज़ारे मां रेइयां;
हिम्मत रख ते तेरो दिल मज़बूत राए;
हाँ, सिर्फ यहोवारो इंतज़ार केर!#भज. 31:24.
Currently Selected:
भजन संहिता 27: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
