भजन संहिता 29
29
परमेशरेरी आवाज़
दाऊदेरू भजन
1हे परमेशरेरे दूतव,#29:1 दूतव मट्ठव यहोवारी,
हाँ यहोवारी बडीयाई केरा,
यहोवारी महिमा ते सामर्थ सहाराथ।
2यहोवारे नंव्वेरी महिमा केरा;
पवित्रता सेइं सेज़तां यहोवा कां मथ्थो टेका।
3यहोवारी आवाज़ समुन्दरे करां बा शुनोतीए;
महिमा बालो परमेशर गरज़ते,
यहोवा घने बिदलारी करां बा रहते।#अय्यू. 37:4-5.
4यहोवारे आवाज़ी मां बड़ी शक्तिए,
यहोवारी आवाज़ महिमा बालीए।
5यहोवारी आवाज़ गैइड़न ट्लोड़चे;
यहोवारी आवाज़ लबानोनेरे गैइड़न भी ट्लोड़चे।
6तै लबानोनेरे पहाड़न बछ़ड़ेरो ज़ेरो
ते सिर्योन जंगली दांतां केरो ज़ेरो उछ़ड़ाते।
7यहोवारी आवाज़ अग्गरी लप च़ीरतीए।
8यहोवारी आवाज़ जंगले हिलातीए,
यहोवा कादेशेरे जंगले भी हिलाते।
9यहोवारे आवाज़ी सेइं हिरनी केरे पेटे मरां कच़्च़े बच्चे भी झ़ेड़ी गातन।
ते जंगले मां बुट्टां केरां पट्लां भी झ़ेड़ी गातन;
ते तैसेरे मन्दरे मां हर कोई
“महिमा-महिमा” ज़ोतो रहते।
10हड़ैइयरे वक्ते यहोवा सैलाबे पुड़ बिशोरो थियो;
यहोवा हमेशारे लेई राज़ो भोइतां
तखते पुड़ बिशोरो रहते।
11यहोवा अपने लोकन ताकत देलो;
यहोवा अपने लोकन सुखेरी बरकत देलो।
Currently Selected:
भजन संहिता 29: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
