भजन संहिता 23
23
परमेशर अपने लोकां केरो पुहाले
दाऊदेरू भजन
1यहोवा मेरो पुहाले;#23:1 यहोवा मेरो पुहाले यहोवा रोही
मीं कोई कमी न भोल्ही।#यशा. 40:11.
2तै मीं सब्ज़-सब्ज़ घासेरे ठारन मां च़ारते;#23:2 च़रनेरे लेई ते आराम केरनेरे लेई अक रोड़ी ठार
ते सुख देनेरे पैनेरे नागन कां नेते;
3तै मेरी जानी ताज़गी देते।
ते अपने नंव्वेरे खातर धार्मिकतारे बत्तन मां
मेरी अगवाई केरते।
4चाए अवं बड़े आंधरी वैदी मांमेइं भोइतां च़ेलि,
फिरी भी अवं नुकसाने करां न डेरेलो;
किजोकि तू मीं सेइं साथी रहतस;
तेरे सोटे#23:4 सोटे सोटो जंगली जानबरन निशान्नेरे लेई भोतो थियो ते तेरी लट्ठी सेइं मीं तसल्ली मैलतीए।
5तू मेरे सताने बालां केरे सामने मेरे लेई रोट्टरे मेज़े बिछ़ातस;
तू मेरे दोग्गे पुड़ तेल मलतस,
मेरो कुटोरो छ़लकने लगोरोए।
6पक्की भलियाई ते करुणा सैरी उमरी
मीं सेइं साथी-साथी राहेली;
ते अवं हमेशा यहोवारे घरे मां रेइलो।
Currently Selected:
भजन संहिता 23: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
