भजन संहिता 24
24
महिमाई बालो राज़ो ते तैसेरू राज़
दाऊदेरू भजन
1धरती ते होरू ज़ैन किछ तैस मांए, सब किछ यहोवारू आहे;
दुनिया ते तैस मां रानेबाले सब भी तैसेरे आन।
2किजोकि तैनी धेरतरी मुनीयाद समुन्दरे पुड़ मज़बूत केरतां रख्खोरीए,
ते बड़े पैनी पुड़ रख्खोरीए।
3यहोवारे पहाड़े#24:3 यहोवारे पहाड़े सिय्योन पहाड़ पुड़ कौन च़ेढ़ी सकते?
कौन तैसेरे पवित्र भवने मां खड़ो भोइ#24:3 खड़ो भोइ कौन आराधना केरि सकते सकते।
4तैए ज़ेसेरे हथ साफ ते दिल पवित्र भोए;
ज़ैने अपनो मन बेकार गल्लरे पासे#24:4 बेकार गल्लरे पासे मूरती केरि पूज़ा नईं लेवरो,
ते न कसम केरतां झूठ ज़ोए।
5तैस यहोवा करां बरकत मैल्हेली,
तै अपने मुक्ति देनेबाले परमेशरेरे
तरफां धर्मी ठहरेलो।
6एरे ज़ेरे लोक तैसेरी तलाशी मां आन,
तैना परमेशरेरे दर्शनेरे तोपी ते याकूबेरे खानदाने मरां आन।
7हे फाटकव; अपने क्रोड़ी उच्ची केरा!
हे सनातनेरे दारव उच्चे भोथ!
किजोकि महिमारो राज़ो दाखल भोल्हो।
8तै महिमारो राज़ो कौने?
यहोवा ज़ै सामर्थी ते शेक्ति बालोए,
परमेशर ज़ै जंगी मां शेक्ति बालोए।
9हे दारव, अपने उच्चे भोथ
हे सनातनेरे दारव तुस भी खुल्ली गाथ!
किजोकि महिमारो राज़ो दाखल भोल्हो!
10तै महिमारो राज़ो कौने?
सेना केरो यहोवा, तैए महिमारो राज़ोए। (सेला)
Currently Selected:
भजन संहिता 24: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
