श्रेष्ठगीत 7

बड़ाई का बखान

दुल्हा

1हे राजकुमारी, तेरे पैर जूतियाँ म्ह

कितणे सुथरे लाग्गै सै!

तेरी जाँघां की गोळाई इसे गहणे की तरियां सै,

जिस ताहीं किसे माहिर कारीगर नै रच्या हो।

2तेरी सुंडी गोळ कटोरा सै,

जो मसाला मिले होए दाखमधु तै भरी हो।

तेरा पेट गेहूँ के ढेर की तरियां सै जिसके

च्यांरु ओड़ सोसन के फूल हो।

3तेरी दोन्‍नु छात्ती

हिरणी के दो जुड़मा बच्यां की तरियां सै।

4तेरा गळा हाथी दाँत का मीनार सै।

तेरी आँख हेशबोन के उन कुण्डा की तरियां सै,

जो बत्रब्बीम के फाट्टक कै धोरै सै।

तेरी नाक लबानोन पहाड़ के मीनार की तरियां सै,

जिसका मुँह दमिश्क देश की ओड़ सै।

5तेरा सिर तेरे पै कर्मेल पहाड़ की तरियां शोभामान सै,

अर तेरे सिर की लटें बैंगणी रंग के कपड़यां की तरियां सै,

राजा उन लटां म्ह गुलाम होग्या सै।

6हे प्यारी अर मन भाण आळी कुवारी,

तू कितनी सुन्दर अर किसी मनभावणी सै!

7तेरी कदकाठी खजूर की तरियां शानदार सै

अर तेरी छात्ती अंगूर के गुच्छयाँ की तरियां सै।

8मन्‍नै कह्या, “मै इस खजूर पै चढ़कै उसकी डाळियाँ नै पकड़ूँगा।”

तेरी छात्ती अंगूर के गुच्छे हो,

अर तेरी साँस की खुशबु सेबां की तरियां हो,

9अर तेरी मुक्खी बढ़िया दाखमधु की तरियां सै।

दुल्हन

जो आसान्‍नी तै होठां पै तै अर दाँतां के बीच सहज-सहज बह ज्या सै#7:9 जो आसान्‍नी तै होठां पै तै अर दाँतां के बीच सहज-सहज बह ज्या सै तेरी मुक्खी सबतै बढ़िया दारु की तरियां सै।

10मै अपणे प्रेमी की सूं।

अर उसकी लालसा मेरी ओड़ सदा बणी रहवै सै।

11हे मेरे प्रेमी, आ, हम खेत्तां म्ह लिकड़ जावां

अर गाम्मां#7:11 गाम्मां जंगळी दरखतां के बीच म्ह रहवां म्ह रहवां;

12फेर सबेरै खड़े होकै अंगूर के बाग्गां म्ह चालां,

अर देक्खां के अंगूर की बेल म्ह कली लाग्गी सै के न्ही, के अंगूर के फूल खिले सै या न्ही,

अर अनार फुल्‍लै सै या न्ही।

ओड़ै मै तेरे ताहीं अपणा प्यार दिखाऊँगी।

13दूदाफळां#7:13 दूदाफळां दूदाफळ एक पौधे के भोत मीठे-महकदार फूल सै जो एक फळ पैदा करें सै जो यौन इच्छा नै उत्तेजित करें सै और प्रजनन शक्ति को बढ़ावा दे सै। (उत्पत्ति 30:14-16) तै खुशबु आ रही सै,

अर म्हारे बारणै पै सारे ढाळ के बढ़िया फळ सै, नये अर पुराणे भी,

जो, हे मेरे प्रेमी, मन्‍नै तेरे खात्तर कठ्ठे कर राक्खे सै।

Currently Selected:

श्रेष्ठगीत 7: BGC

Highlight

Copy

Compare