श्रेष्ठगीत 8
8
1भला होन्दा के तू मेरे भाई की तरियां होन्दा,
जिसनै मेरी माँ की छात्ती तै दूध पिया!
फेर मै तन्नै बाहर पाकै तेरी मुक्खी लेन्दी,
अर कोए मेरी बुराई, न्ही करदा।
2मै तेरे ताहीं अपणी माँ के घर ले चाल्दी,
अर वो मेरे ताहीं सिखान्दी#8:2 सिखान्दी या तू मन्नै सिखावै सै,
अर मै तेरे ताहीं मसाला मिल्या होया दाखमधु,
अर अपणे अनार का रस प्यान्दी।
3काश, उसका ओळा हाथ मेरे सिर कै नीच्चै होन्दा,
अर अपणे सोळे हाथ तै वो मेरा लाड-लडान्दा!
4हे यरुशलेम की बेटियों, मै थमनै कसम, खुवाऊँ सूं,
के थम मेरे प्रेमी नै ना जगाईयों
जिब तक वो खुद ना उठणा चाहवै।
छठा गीत
सहेलियाँ
5या कौण सै जो अपणे प्रेमी पै ध्यान लगाऐ होए
जंगल म्ह तै चाल्ली आवै सै?
दुल्हन
सेब के दरखत कै नीच्चै मन्नै तेरे ताहीं जगाया।
ओड़ै तेरी माँ नै तेरे ताहीं जन्म दिया
ओड़ै तेरी माँ कै पीड़ाएँ उठी।
6मन्नै नगीने की तरियां अपणे दिल पै लगाऐ राख,
अर तबीज की तरियां अपणी बाँह पै बाँधे राख;
क्यूँके प्यार मौत कै बराबर ताकतवर सै,
अर ईर्ष्या कब्र की तरियां निर्दयी सै।
उसकी ज्वाळा आग की दमक सै
बल्के परमेसवर की ए ज्वाळा सै।
7पाणी की बाढ़ तै भी प्यार न्ही बुझ सकदा,
अर ना बड़ी नदियाँ तै भी डूब सकै सै।
जै कोए अपणे घर की सारी सम्पत्ति प्यार के
बदले म्ह दे दे तोभी वो कती घाट लाग्गैगी।
दुल्हन का भाई
8म्हारी एक छोट्टी भाण सै,
जिसकी छात्ती इब्बे न्ही उभरीं।
जिस दिन म्हारी भाण के ब्याह की बात चाल्लैगी,
उस दिन हम उसकै खात्तर के करां?
9जै वो शहरपनाह होन्दी
तो हम उसपै चाँदी का गुम्मट बणान्दे,
अर जै वा फाट्टक का किवाड़ होन्दी,
तो हम उसपै देवदार की लाकड़ी के फट्टे लगान्दे।
दुल्हन
10मै शहरपनाह थी अर मेरी छात्ती उसके गुम्मट,
तब मै अपणे प्रेमी की निगांह म्ह शान्ति ल्याण आळे की तरियां थी#8:10 शान्ति ल्याण आळे की तरियां थी प्रेमिका सोच्चे सै के वो पूरी तरियां जवान हो गया सै ।
दुल्हा
11बाल्हामोन म्ह सुलैमान का एक अंगूर का बाग था;
उसनै वो अंगूर का बाग रुखाळे तै सौंप दिया;
हर एक रुखाळे नै उसके फळां खात्तर
चाँदी के हजार-हजार टुकड़े सौपणे थे#8:11 चाँदी के हजार-हजार टुकड़े सौपणे थे एक शेकेल या चाँदी का सिक्का गाम्मां के मजदूर के एक दिन की मजदूरी के बराबर सै।।
12मेरा अपणा अंगूर का बाग मेरै ए खात्तर सै;
हे सुलैमान, हजार तेरे ताहीं सै
अर फळ के रुखाळयां नै दो सौ मिलै।
13तू जो बाग्गां म्ह रहवै सै,
मेरे मित्तर तेरा बोल सुणणा चाहवैं सै;
उस ताहीं मन्नै भी सुणण दे।
दुल्हन
14हे मेरे प्रेमी, तावळ कर,
अर खुशबुदार द्रव्यों के पहाड़ां पै
चिकारे या जवान हिरण की तरियां बण ज्या।
Currently Selected:
श्रेष्ठगीत 8: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
