श्रेष्ठगीत 6

सहेलियाँ

1हे बिरबानियाँ म्ह सबतै सुथरी,

तेरा प्रेमी कित्त गया?

तेरा प्रेमी कित्त चल्या गया

के हम तेरी गैल उस नै टोहण चाल्‍लां?

वधू

2मेरा प्रेमी अपणे बाग म्ह यानी बलसान

की क्यारियाँ की ओड़ गया सै,

ताके बाग म्ह अपणी भेड़-बकरियाँ नै चरावै अर

सोसन फूल बटोरै।

3मै अपणे प्रेमी की सूं अर मेरा प्रेमी मेरा सै,

वो अपणी भेड़-बकरियाँ नै सोसन के फूल्‍लां कै बीच चरावै सै।

पाँचवाँ गीत

दुल्हा

4हे मेरी प्यारी, तू तिर्सा#6:4 तिर्सा तिर्सा उत्तरी इस्राएल की एक प्राचीन राजधानी थी। की तरियां सुथरी सै

तू यरुशलेम के समान सोहणी सै,

अर झण्ड़ा फैहरान्दी होई सेना के बराबर भयंकर सै।

5अपणी आँख मेरी ओड़ तै फेर ले,

क्यूँके मै उनतै घबराऊँ सूं;

तेरे बाळ इसी बकरियाँ के झुण्ड की तरियां सै,

जो गिलाद की ढलाण पै लेट्टी होई दिखाई देन्दी हो।

6तेरे दाँत इसी भेड्डां के झुण्ड की तरियां सै

जिन ताहीं नुहाया गया हो,

उन म्ह तै हरेक जुड़मां बच्‍चें देवै सै,

जिन म्ह तै किसे का साथी न्ही मरया।

7तेरे कपोल तेरी लटां कै नीच्‍चै

अनार की फाँक दिखाई पड़ै सै।

8ओड़ै साठ राणी अर अस्सी रखैल

अर अनगिणत कुँवारियाँ भी सै।

9पर मेरी कबूतरी, मेरी निर्मल, सारे तै निराळी सै

वा अपणी माँ की एके सै,

अपणी जाम्मण आळी की लाडली सै।

बेटियाँ नै उस ताहीं देख्या अर धन्य कह्या;

राणियाँ अर रखैल्‍लां नै देखकै उसकी बढ़ाई करी।

10या कौण सै जिसकी शोभा सबेरै की तरियां सै,

जो खूबसूरती म्ह चाँद

अर निर्मलता म्ह सूरज,

अर झण्डा फैहरान्दी होई सेना की तरियां

भयंकर दिखाई देवै सै?

11मै अखरोट के बाग म्ह उतरगी,

ताके तराई के फूल देक्खूँ,

अर देक्खूँ के अंगूर की बेल म्ह कली लाग्गी,

अर अनार के फूल खिले के न्ही।

12मन्‍नै बेरा भी न्ही था के मेरी कल्पना नै

मेरे ताहीं अपणे राजकुमार के रथ पै चढ़ा दिया।

सहेलियाँ

13लौट आ, लौट आ, हे शूलेम्मिन की छोरी,

लौट आ, लौट आ, के हम तेरे पै निगांह करां।

दुल्हन

के थम शूलेम्मिन#6:13 शूलेम्मिन शूलेम्मिन इस शब्द की तरियां भोत सुझाव दिए गए सै। कई माणस प्यार अर युद्ध की मेसोपोटामिया देवी, शुलमनिटु, और लोगां गैल सुलैमान के संबन्ध अर इब तक भी दूसरा नै शूनेम नाम के एक शहर तै जोड़े सै। नै इस तरियां देक्खोगे

जिसा महनैम के नाच नै देक्खो सों?

Currently Selected:

श्रेष्ठगीत 6: BGC

Highlight

Copy

Compare