अय्यूब 8
8
बिल्दद का तर्क
1फेर शूही नगरवासी बिल्दद नै कह्या,
2“तू कद तक इसी-इसी बात करदा रहवैगा?
अर तेरे मुँह की बात कद तक घणी तेज हवा की तरियां रहवैगी?
3के परमेसवर अन्याय करै सै?
अर के सर्वशक्तिमान धार्मिकता का उलटा करै सै?
4जै तेरे बाळकां नै उसके खिलाफ पाप करया सै,
तो उसनै उन ताहीं उनके अपराध का फळ भुगताया सै।
5फेर भी जै तू आप परमेसवर नै यत्न तै टोहन्दा,
अर सर्वशक्तिमान तै गिड़गिड़ाकै बिनती करदा,
6अर जै तू निर्मल अर धर्मी रहन्दा,
तो जरुर वो तेरै खात्तर जागदा;
अर तेरी धार्मिकता का बसेरा फेर न्यू का न्यू कर देन्दा।
7चाहे तेरा भाग पैहला छोट्टा ए रहया हो पर
आखरी म्ह तेरी भोत घणी बढ़ती होन्दी।”
8“पिच्छली पीढ़ी के माणसां तै तो पूछ,
अर जो कुछ उनके पुरखां नै जाँच पड़ताळ करी सै उसपै ध्यान दे।
9क्यूँके हम तो कल के सां, अर कुछ न्ही जाणदे;
अर धरती पै म्हारे दिन छाया की तरियां बीतदे जावैं सै।
10के वो माणस तेरे तै शिक्षा की बात न्ही कहवैंगे?
के वो अपणे मन तै बात न्ही लिकाड़ैगें?”
11“के कछार की घास पाणी बिना बढ़ सकै सै?
के सरकण्डा पाणी बिना बढै़ सै?
12चाहे वो हरी हो, अर काट्टी भी ना गई हो,
फेर भी वो और सारी तरियां की घास तै
पैहलाए सूख ज्या सै।
13परमेसवर के सारे बिसराण आळयां की गति इसीए होवै सै
अर भगतिहीन की आस टूट ज्या सै।
14उसकी आस का मूळ कट ज्या सै;
अर जिसका वो भरोस्सा करै सै, वो मकड़ी का जाळा ठहरया सै।
15चाहे वो अपणे घर पै टेक लगावै पर वो ना ठहरैगा;
वो उस ताहीं मजबुत्ती तै थामैगा पर वो टिक्या ना रहवैगा।
16वो धूप पाकै हरा भरया हो ज्या सै,
अर उसकी डाळियाँ बगीचे म्ह च्यांरु ओड़ फैल्लै सै।
17उसकी जड़ कंकड़ा के ढेर म्ह लिपटी रहवै सै,
अर वो पत्थर की जगहां नै देख लेवै सै।
18पर जिब वो अपणी जगहां पै तै नाश करया जावै,
फेर वो जगहां उसतै न्यू कहकै
मुँह मोड़ लेवै सै, ‘अर मन्नै उस ताहीं कदे देख्या ए न्ही।’
19देख, उसकी आनन्द भरी चाल याए सै;
फेर उस्से माट्टी म्ह तै दुसरे उगैंगे।”
20“देख, परमेसवर ना तो खरे माणस नै निकम्मा जाणकै छोड़ दे सै,
अर ना बुराई करण आळयां नै सम्भाळै सै।
21वो तो तन्नै हँसमुख करैगा;
अर तेरे तै जयजयकार करावैगा।
22तेरे बैरी शर्म के कपड़े पैहरैगें,
अर दुष्टां का डेरा किते न्ही रहण पावैगा।”
Currently Selected:
अय्यूब 8: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
