Shaahiyoo 2
2
Shalligoochee Daneebeeti Gaaco
1Ta bushoocho, ta qaaroon waayebe; ta getoonoo ne mullooch kotiibe; 2ne waamo shalligee qaaroon bi ellemmoyich tuniibe; ne mulloonoo goomo waan wochibe; 3ariyoon ceege; goommii deꞌo waanoo bunnebe. 4Birewoon woyee aacheeti gijjoon qaawoommon ebin qaawibe. 5Ebin ne tuniigaata, Doono Yeerin shato amo gaata ariyemmo neene; ne Nuggishoon ariyee gommon danemmo neene. 6Shalligoon immiibeeto Doono Yeerine; ariyoonaa goommii deꞌona daneebeeto bi waaneeniye. 7Biyoo kaameenaꞌoyich gaawe shalligoon immiye; oonneyaani beemon beetinaꞌon gaachoo qeroommon qerii wodiihe. 8Dayinnetoona nallii beetinaꞌon quyee beetone; bi yaafeenaꞌochi shaaddoon manjii beetone.
9Ebiyooba cadiqittinoonaa dayinnetoonon, kaamittinoonaa gaawe gommo bullinon shalligemmo neene. 10Shalligoo ne mullooch giyemmone; ariyoo ne kashoon emirikkemmone. 11Gaawe gaboo neen wodiyemmone; goommii deꞌo neech deeboon tunemmone; 12gonde gommoochee, xumme yibbaatechi asheenaꞌo waaneenoo neen wodiyemmone. 13Eboshi mandere boochoona hamoyich kaame gommon qajjii beetinaꞌo, 14gonde shuunoona emirii beetinaꞌo, xummoo tunoona oogichii emirii beetinaꞌone; 15boonoshi gommo wuuqqoo, boonoshi shaaddoo xummoone.
16Shunimaayee waanee neen wodiyemmone; noonoo nooccaabeeti waaneenoo neen quyemmone. 17Ebi ure bi bushittinee kenoon qajjeti, bi Nuggishoo aafooch bi giyeti wogoonoo battetine; 18bi kexo qitoo waan desh gaꞌetone; bi boochoo qititinaꞌo waan shakkii beetone; 19bi waan hammiibeeto bulli wotteyaachemmone; kashee gommonoo daneyaachemmone. 20Ebich ne, kaame asheenaꞌochi gommona hambe; cadiqeenaꞌochi gommonoo yeshe. 21Kaame asheenaꞌo showee toommooch kotemminaꞌone; xalleenaꞌo arooch beeyemminaꞌone. 22Tunebaani gonde asheenaꞌo showoochee aallemminaꞌone; gibeneyaaneenaꞌoo aroochee waaxemminaꞌone.
Currently Selected:
Shaahiyoo 2: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.