Yaasi 21
21
Leweenaꞌoyich Icheti Katemeenaꞌo
1Lewi yoodee yaree ukkireenaꞌo qeeshoo Elazaar waan, Nuuni bushoo Yaasinaa Israꞌeelee yoodee yaree ukkireenaꞌona waan giddeheete. 2Kanaanee showooch beeti Shiloohaa boonoshi waan giddeꞌi, “Doono Yeeri no beeyemmi katemeenaꞌonaa boonoshi guudoona beeti miinji gaddoona nooch ichemmoyich, Muusina gettitone” iyeete.#Had. 35:1-8 3Ebich Doono Yeeri gettitoommon, Israꞌeeleenaꞌo boonoshich icheti katemeenaꞌoochee ebi katemeenaꞌonaa boonoshi guudoona beeti miinji gaddoonon Leweenaꞌoyich immiyeete.
4Batti batti ixoo Leweenaꞌoochee, Qohaatichi yareenaꞌoyich kechiye. Qeeshoo Haroonichi shiijjereenaꞌoyich Yihudi, Simooninaa Biiniyaaminochi yoodeenaꞌo showoochee, aaraa keejje katemeenaꞌo ixoona icheheete.
5Wotta echeti Qohaatichi shiijjereenaꞌoyich, Efreeminaa Daaninochi yoodeenaꞌo showoochee, Minaasi yoodoochee qatinaꞌo showoocheenoo aashire katemeenaꞌo ixoona icheheete.
6Gerishoonichi shiijjereenaꞌoyich, Yisakoori, Aseerinaa Nifitaalinochi yoodeenaꞌo showoochee, Bashaanee showooch beeti, Minaasi yoodoochee qatinaꞌo showoocheenoo aaraa keejje katemeenaꞌo ixoona icheheete.
7Meraarichi shiijjereenaꞌoyich, boonoshi yari yaroona Roobeeli, Gaadinaa Zebulooninochi yoodeenaꞌo showoochee aaraa gutte katemeenaꞌo icheheete.
8Ebina Doono Yeeri Muusina bi gettitoommon, Israꞌeeleenaꞌo ebi katemeenaꞌonaa boonoshi guudoona beeti miinji gaddoonon Leweenaꞌoyich ixoona immiyeete.
9-10Batti batti ixoo boonoshich bi kechitoyich, Lewi yoodoochee shiijjeti, Qohaati yareenaꞌo tuneti, Haroonichi shiijjereenaꞌoyich Yihudinaa Simooninochi yoodeenaꞌo showoochee icheti katemeenaꞌo eboshine: 11Geppechi Yihudee showooch beeti, Kebirooni getteeti Qiriyaat Aribinaa bi guudoona beeti miinji gaddoonane. Aribi Anaaqichi qaabbechi nihoone. 12Tunebaani katemee guudoona beeti goyee budonaa gafeenaꞌona Yefuuni bushoo Kaaleebich bi iristoon tuniitaa, shiichiꞌi ichetone.
13Ebiyoommon qeeshoo Haroonichi shiijjereenaꞌoyich, shoobi katemoo tuneti Kebirooni toommooch daakkaa, boonoshi guudoona beeti miinji gaddoona tookkii icheti katemeenaꞌo: Libini, 14Yatiiri, Eshiteemi, 15Holooni, Debiiri, 16Ayini, Yuxaahinaa Beet Shemeeshinane. Ebi yiixiye katemeenaꞌo Yihudinaa Simooninochi yoodeenaꞌo showoochee ichetinaꞌone.
17-18Biiniyaami yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Gibeꞌooni, Geebi, Anaatootinaa Almooninane. 19Qeeshoo Haroonichi yareenaꞌoyich, boonoshi guudoona beeti miinji gaddoona tookkii icheti katemeenaꞌo bulli aaraa keeminaꞌone.
20-22Echeti Lewi bushoo Qohaatichi yareenaꞌoyich wotta, Efreemi yoodoochi showoochee, boonoshi guudoona beeti miinji gaddoona tookkii ixoona icheti awudde katemeenaꞌo: Geppechi Efreemee showooch beeti, shoobi katemoo tuneti Shekeemi, Gezeeri, Kibizayiminaa Beet Horooninane. 23-24Ebiyoommon Daani yoodeenaꞌo showoochee, boonoshi guudoona beeti miinji gaddoona tookkii icheti awudde katemeenaꞌo: Eliteqeehi, Gibetooni, Ayalooninaa Gaat Rimooninane. 25Minaasi yoodoochee qatinaꞌo showoochee, boonoshi guudoona beeti miinji gaddoona tookkii icheti gutte katemeenaꞌo: Tanaakinaa Gaat Rimooninane. 26Ebi echeti Qohaatichi yareenaꞌoyich, boonoshi guudoona beeti miinji gaddoona tookkii icheti katemeenaꞌo bulli aashireenaꞌone.
27Gerishoonichi yareenaꞌo tuneti Lewi yoodee bare yareenaꞌoyich, Minaasi yoodoochee qatinaꞌo showoochee, boonoshi guudoona beeti miinji gaddoona tookkii icheti gutte katemeenaꞌo: Shoobi katemoo tuneti, Bashaanee showooch beeti Golaaninaa Beshiteerinane. 28-29Yisakoori yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Kishiyooni, Daberaati, Yarimuutinaa En Ganiiminane. 30-31Aseeri yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Mishaali, Abidooni, Helikaatinaa Rehoobinane. 32Nifitaali yoodoochi showoochee, boonoshi guudoona beeti miinji gaddoona tookkii icheti keejje katemeenaꞌo, Galiilee showooch beeti, shoobi katemoo tuneti, Qedeeshi, wotta Hamoot Doorinaa Karitaaninane. 33Ebi Gerishooni yareenaꞌoyich, boonoshi guudoona beeti miinji gaddoona tookkii icheti katemeenaꞌo bulli aaraa keeminaꞌone.
34Leweenaꞌo tuneti, echeti Meraarichi yareenaꞌoyich, Zebulooni yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Yoqiniyami, Karitaahi, 35Diminaahinaa Nahalaalinane. 36Roobeeli yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Bezeeri, Yahaatsi, 37Qedemootinaa Mefaatinane. 38Gaadi yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Gilaadee showooch beeti, shoobi katemoo tuneti Ramooti, Mahanayimi, 39Heshiboninaa Yazeerinane. 40Ebi, Leweenaꞌo tuneti echeti Meraarichi yareenaꞌoyich icheti katemeenaꞌo bulli aaraa gutteenaꞌone.
41Illa Israꞌeeleenaꞌo hajjiti katemeenaꞌoochee, boonoshi guudoona beeti miinji gaddoona tookkii, Leweenaꞌoyich icheti katemeenaꞌo bulla aabbaa shimitteenaꞌone. 42Ebi katemeenaꞌo boonoshi ikkikkoona boonoshi guudoona miinji gaddechinaꞌone; miinji gaddaalli katemoo aalloone.
Showoon Israꞌeeleenaꞌo Woraashoo
43Ebina Doono Yeeri qaabbechi boonoshi niheenaꞌoyich imma bi wogeti showoo bullin Israꞌeeleenaꞌoyich immiye; boonoshiyoo ebi showoon hajjiꞌi, boonoshi beeyi xaaꞌoon tuniiheete. 44Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone. 45Doono Yeeri Israꞌeeleenaꞌoyich bi gibenikkiti gaawe mooyoochee ikkolla echeto aalloone; bulliyona ceennitone.
Currently Selected:
Yaasi 21: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
