Hosee'i 12
12
1“Efreemi tuniibeeto, heeyo bullin aabi-keyo waanee waabeeti yongoon yecha yookkii dabboommi, gaacaalli mooyone. Kootoonaa hukkoonon woddiihe. Asooreenaꞌona tookkii wogoon giyiye; Gibitsoo zayitoon daachiihe” iye.
2Doono Yeeri Yihudee asheenaꞌo toommooch yaaqqiibeeti taggoo beetone. Yaaqobin bi gommoommona sheeremmone. Bi shuunoommonoo biich qoccemmone. 3Yaaqobi maacooch beechii bi manoochi shoqqoon yechiye; oogeechiinoo Yeerina tookkii qiiccehe.#Hal. 25:26 4Maraakoona tookkii qiicceꞌinoo beshiye. Diiroon danoyich eeppiꞌi qollehe.#Hal. 32:24-28 Beeteelaa Yeerina danehe. Aroochaanoo Yeeri biinna yibbaatehe.#Hal. 28:10-22 5Biyoo Beshe Mawe Nuggishoo Doono Yeerine; bi shigo Doono Yeerine. 6Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!
7Doono Yeeri ishichiye: “Israꞌeeleenaꞌo koote machoona qocciibeeti Kanaanee asheenaꞌon shaahitinaꞌone. Tuushiyoonoo shunniyeete. 8Efreemi ‘Gaanneto taane; hajjoonoo daneto taane. Ebi gaanno beetaa koniyoona ta waanee axaaxoon woyee xuꞌoon danoon hakkaachemmone’ iye. 9Gibitsee ittoshin kichito, ittoshi Nuggishoo Doono Yeeri taane. Nati baarooba bi tunetoommon, ittoshi duukkaani duukkaanooch ittoshi kotemmoyich tuniyemmo taane.#Lew. 23:42-43
10“Keemechinaꞌoyich yibbaatehoye; wodde yaaꞌoonoo boonoshich bekkiihoye. Keemechinaꞌona shaahiyoon boonoshich gettoye. 11Gilaadee showooch axaaxoo beetone. Ebi aroochaa boonoshiyoo duubemminaꞌone. Galigalaa gubbeneenaꞌon deejjoon giddiitinaꞌone. Boonoshi deejjee gudeenaꞌo goyee budooch beeti xaqqee gutoon tunemminaꞌone” iye.
12Yaaqobi Sooriyee showooch aallee hammiye; Israꞌeeli mechee danoyich maddehe; mecheen danoyich bagoon qiddehe.#Hal. 29:1-20 13Doono Yeeri keemechon daachiiꞌi Israꞌeelin Gibitsee kichiye. Keemechona tuneꞌinoo shiimehe.#Key. 12:50-51 14Tunebaani Efreemi caamii biin ippiihe. Ebich bi Doono damee ukkee xuꞌoon bi toommooch tuniyemmone. Bi shigoon bi giishiitoyich, bi gatiyoon biich qoccemmone.
Currently Selected:
Hosee'i 12: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
