Imbaaqoomi Gimo
Gimo
Imbaqoomichi Macaafooch kooreeto Yeerinaa keemechi Imbaqoomina yibbaateti yibbaatoone. Imbaqoomi Yihudee iraasheenaꞌo girechinaꞌon xuqqii beetaa beeggiꞌi, “Yeeri ebi gonde asheenaꞌoyich mooyo kaamemmoyich aakkiya tuniihe?” iꞌi echehe. Aroochee Yeeri Baablooneenaꞌo waaree Yihudee showoon koyi aalliyemminaꞌo tunoon bi getaa waayeꞌi, beshoon tuummiye. Ayihudeenaꞌo gonde asheenaꞌo boonoshi tunetaanoona Yeeri kaacciti ebi asheenaꞌon boonoshiyee beshe gondeenaꞌo tuneti Baablooneenaꞌo kochemmoyich Yeeri tuniiti naboo biich giyaanoone.
Yeeri biich wochiꞌi, “Cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone; tate mooyon tuniyaabeeto ta tunoonoo xiishi ariyemminaꞌone” iye. Daakkiꞌinoo ishichiye: “Baablooneenaꞌo toommooch nalloo kindaa, ta asheenaꞌoyich dayinneto kechemmi aabo woyemmone” iye. Ebina Imbaqoomi bi macaafee ciiroochaa galletee corootoon giddiyoona ciichiye.
Inde Moochi Sheqqo
Imbaqoomi echeti echoonaa Yeeri wochiti wochoona (1:1-11)
Imbaqoomi wochinnoon echeti echoonaa Yeeri wochiti wochoona (1:12–2:20)
Imbaqoomi corootiti corooto (3:1-19)
Currently Selected:
Imbaaqoomi Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.