Hiziqeeli 2
2
Hiziqeeli Keemecho Bi Tunemmoyich Ceekko
1Biyoo taach ishichiye: “Ashi bushoocho, ne baatoona tiyi neexebe; ta neenna tookki yibbaatemmo taane” iye. 2Taach bi yibbaatemmona Ayaano ta maac giyiꞌi ta baatoona taan neechiye; taach bi yibbaatee beetonoo waayeho.
3Aroochee taach ishichiye: “Ashi bushoocho, Israꞌeelee asheenaꞌo waan, ta toommooch tiyiti hukkechi macceenaꞌo waan, neen daachiyemmo taane; boonoshiyoo boonoshi qaabbechinaꞌochoommon hanaach beddaahaa ta toommooch tiyii beetinaꞌone. 4Boonoshi getaa giyaaneenaꞌonaa babbereenaꞌonane; newoo boonoshich, ‘Nuggishoo Doono Yeeri ishichiye’ ne gettemmoyich neen daachiibeeto taane. 5Hukkechinaꞌo boonoshi tunetoyich boonoshi waayetaa woyee waayo qajjitaa keemecho boonoshi daggooch bi beemon ariyemminaꞌone.
6“Ashi bushoocho, boonoshich tuneba boonoshi qaaroyich shattaahine; guccinonaa angixona ne guudoona bi beetaa, barahee macheenaꞌo daggooch ne kotetaa, shattaahine; hukkechi asheenaꞌo boonoshi tunetoyich boonoshi qaaroon woyee sheexon shati keqqiyaahine. 7Hukkechi asheenaꞌo boonoshi tunetoyich, boonoshi waayetaa woyee waayo qajjitaa boonoshich ta qaaroon gettemmo neene.
8“Ashi bushoocho, ta gettaa beeton waayebe; ebi hukkechi asheenaꞌochoommon hukkechon tuneyaahine; ne kookkoon gaxxibe; ta immaa beeton mame” iye.
9Tawoo qoddeti macaafoon yechiti kishoo ta waan yaggeeton beeggeho. 10Ebi kishoo macaafoon ta aafooch yaggiye; ebi macaafo aafinaa gubbinooch kooreetone; ebi arooch shooshee qaaro, eeppi qaaroonaa caagee qaaroona kooreeꞌi beetone.#Yaaꞌo. 5:1
Currently Selected:
Hiziqeeli 2: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
