1 Saameeli Gimo
Gimo
Saameelichi Ikkinnee Macaafo shiichoo tuneti Israꞌeelee taatittinee mooyon gettiibeeti macaafoone. Wotta Saameelinaa Saaꞌoolinochi mooyonaa Daawitichi mooyonoochee woddoon yechiti macaafoone. Hini macaafo shiichiꞌi Saameelichi shiijjoonaa yaafee kexoochaa Yeeri mooyon doyiibee bi diconon bekkii beetone. Aroochee Saameeli keemecho, qeeshoonaa woraaferashoona tuneꞌi, aabichii Israꞌeeleenaꞌon bi yaabito gaata bekkii beetone.
Israꞌeeleenaꞌo “Taatoon no toommooch taatiibe” iyooba, Saameeli Yeeri biin yaabaa, Israꞌeeleenaꞌo toommooch Saaꞌooli taatemmoyich bi shimbooch zayitoon ukkiye. Tunebaani Saaꞌooli Yeerichi getoyich deꞌa getaache bi itoyich, Yeeri bi taatittinoon shoottiye. Aroochee Saaꞌooli keroon bi taatemmoyich, Daawiti shimbooch Saameeli aashoona zayitoon ukkiye. Echeti macaafee kuxooch beeto, Saaꞌoolinaa Daawitina daggooch tuneti mooyone.
Woraaferasheenaꞌo Israꞌeeleenaꞌon yaabii qeejjiti yemeeno ciireto, wotta boonoshi guudoona beeti bare showee asheenaꞌochoommon taatoo boonoshi toommooch taateto ebi yemeenoobane. Saameeli keemecho, qeeshoonaa woraaferashoona tuneꞌi ebi yemeeno bullin Israꞌeeleenaꞌon gaawe gommo waan yeepphitone.
Inde Moochi Sheqqo
Qeeshoonaa woraaferashoona tuneꞌi Eeli shuuno (1:1–4:22)
Israꞌeeleenaꞌon Saameeli qeejjoo (5:1–8:22)
Israꞌeeleenaꞌo toommooch shiichiꞌi taateti Saaꞌoolichi mooyo (9:1–15:35)
Daawitinaa Saaꞌoolinochi mooyo (16:1–30:31)
Saaꞌooli qitoo (31:1-13)
Currently Selected:
1 Saameeli Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.