1 Korintus 13
13
Upus
1Mandé ka'i aku ro'na maroma' ang karapi i membam-balinaan nunuwu' é tou wo ka'i nunuwu' é malaékat, taan sa aku ra'ica mengaupus sé tou walina, sé ipakuaku itu ra'ica wana torona, tanuoka téngéna in tambor wo in simbal taténgé keli. 2#Mat. 17:20, 21:21; Mrk. 11:23 Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona. 3Wo mandé ka'i yéké- ékéku waya eng kasiyaanku a sé tou lengéi wo iwééku en owakku tunun, taan sa aku ra'ica wana upus a sé tou walina, pakasa en itu ra'ica wana torona a yaku.
4Si tou mengaupus sé tou walina, sia itu talesen, loor en até, ra'ica kokanat, ra'ica marayo in owak, wo ra'ica tirayo. 5Sia ka'i ra'ica mengaéma' sé ra'ica sumoma wo ra'ica maéré ing kasalé'- an in owakna in esa. Sia ra'ica taporak mae'bow wo ka'i ra'ica ipaéma'na an até eng kameséaan é tou walina. 6Sia ra'ica arui sa sé tou walina mengaéma' ing kaléwo'an, taan sia arui sa sé tou mengaéma' im butul an dior i Casuruan. 7Sia talesen mengasaru in sapa-sapake' wo maéman an sapa-sapake', maarap an sapa-sapake', talesen mengawuléng in sapa-sapaanke'.
8En upus itu awéan akar ing kauré-uré. Taan eng kamang tatambér e makua in taar i Amang Kasuruan icatala oka. Wo eng kamang tatambér maroma' i nunuwu' i roh catala oka. Wo sé kakailekan catala oka. 9Ampa'paan eng kakailekanta ra'ipé' lekep wo eng kawooanta eng kumua in taar i Amang Kasuruan ra'ipé' lekep. 10Mai oka en témpona sa si Amang Kasuruan méma' im pakasa malekep wo sé ra'ipé' malekep itu catala oka.
11An tutuwku in toyaangé', em pakanuwu'ku tanupé' im pakanuwu' é toyaang, em papendamenku tanupé' sé toyaang, em pakawerotku tanupé' sé toyaang. Taan an tutuwku imawangkoo, itela'uku em peri in toyaangé' itu. 12Intarépé', si Amang Kasuruan ra'ipé' katuusanta wutul, kaputé kita makaséré an cermin cumewuro, taan maai oka en témpona katuusanta oka Sia ang karapi im butul tanu kita menséréan en amo. Wo intarépé' andumoro' Sia ra'ipé' talos katuusanku, taan katuusanku oka Sia ang karapi i makakii-kiit, kaputé aku in esa wutul katuusan-Na.
13Anaé, intarépé' awéan telu hal si kasake' émaanta: maéman, mengaarap wo meupu-upusan. Taan si penting keli asé telu itu meupu-upusan.
Currently Selected:
1 Korintus 13: TNT
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
